Главная » 2023 » Iyul » 23 » Zelenskiy Stoltenbergdan Ukraina—NATO kengashini chaqirishni so‘radi

---

22:37 Zelenskiy Stoltenbergdan Ukraina—NATO kengashini chaqirishni so‘radi

Ukraina prezidenti Vladimir Zelenskiy NATO bosh kotibi Yens Stoltenberg bilan telefon orqali suhbatda Ukraina—NATO kengashini zudlik bilan chaqirishni so‘radi. Ushbu tuzilma iyul oyida Shimoliy Atlantika alyansi sammitida yaratilgan edi. "Men Yensga inqiroz bo‘yicha tegishli maslahatlashuvlar uchun ushbu kengashni zudlik bilan chaqirish taklifi bilan murojaat qildim. Bu uchrashuv yaqin kunlarda bo‘lib o‘tadi. Biz Qora dengizdagi xavfsizlik bo‘yicha inqirozini yenga olamiz”, — dedi Zelenskiy videomurojaatda. Ukraina prezidenti avvalroq Stoltenberg bilan Qora dengizdagi don yo‘lagini blokdan chiqarish uchun zarur choralarni muhokama qilganini aytgan edi. Shuningdek, ular Qora dengizdagi mavjud vaziyat va uning global oziq-ovqat xavfsizligiga tahdid solayotgani haqida ham fikr almashdilar. 12-iyul kuni bo‘lib o‘tgan NATO sammitida Ukraina—NATO kengashi tuzildi. Ilgari bunday organ faqat Rossiya bilan mavjud edi, Ukraina bilan NATO faqat qo‘shma komissiyaga ega edi. Komissiya majlisini chaqirish ittifoqning istalgan davlati tomonidan bloklanishi mumkin edi. Kengash chaqiruvini esa bloklab bo‘lmaydi.

1 2 3 4 5 Категория: Har-Hil | Просмотров:79 | Добавил: moderator | Теги: yangilik | Рейтинг: 0.0/0

Всего комментариев: 0