Главная » 2016 » Fevral » 23 » Yulduz Turdiyeva: Vatanimni, oilamni sog‘indim!

---

16:42 Yulduz Turdiyeva: Vatanimni, oilamni sog‘indim!

O‘zbekistonda xizmat ko‘rsatgan artist Yulduz Turdiyeva O‘zbekiston nomidan Xalqaro musiqa festivalida ishtirok etish uchun Hindistonga jo‘nab ketdi. Avval xabar berganimizdek, O‘zbekistonda xizmat ko‘rsatgan artist Yulduz Turdiyeva Hindistonda bo‘lib o‘tayotgan xalqaro musiqa ijrochilari va sozandalari festivalida ishtirok etyapti. Kuni kecha xonanda Hindistonga jo‘nab ketdi. Festival doirasida dunyoning turli chekkalaridan kelgan san'at ustalari o‘z konsert dasturlarini taqdim etadilar. O‘zbekistonda xizmat ko‘rsatgan artist Yulduz Turdiyeva bugun O‘zbekiston nomidan festival doirasida konsert beradi. Biz ayni damda konsertga tayyorgarlik ko‘rayotgan Turdiyeva bilan bog‘landik. Yulduz Turdiyeva, O‘zbekistonda xizmat ko‘rsatgan artist: — Festivalda Mo‘g‘uliston, Gretsiya, Hindiston, Marokash, Misr, AQSH, Afg‘oniston kabi mamlakatlardan san'atkorlar, etnik musiqa ijrochilari ishtirok etishyapti. Biroz hayajondaman. Bugungi konsert dasturi bilan yurtimizda musiqa san'atiga, san'atkorlarga qaratilgan yuksak e'tiborni isbotlab bermoqchiman. Vatanimizni, oilamni, farzandlarimni juda sog‘indim. Ma'lumotlarga qaraganda, festival doirasida yana bir qancha konsert dasturlari bo‘lib o‘tishi rejalashtirilgan. Festival 25-27 fevral kunlari Hindistonning Jaypur shahrida o‘z ishini davom ettiradi.

1 2 3 4 5 Категория: Har-Hil | Просмотров:3239 | Добавил: Admin | Рейтинг: 0.0/0

Всего комментариев: 0