Главная » 2023 » Iyul » 27 » Yevropa Markaziy banki ketma-ket to‘qqizinchi marta asosiy stavkani oshirdi

---

23:13 Yevropa Markaziy banki ketma-ket to‘qqizinchi marta asosiy stavkani oshirdi

Yevropa Markaziy banki boshqaruvchilar kengashi uchta asosiy foiz stavkalarini 0,25 foiz punktga oshirishga qaror qildi. Bu haqda regulyator saytida chop etilgan press-relizda ma'lum qilindi. Stavkaning mazkur oshishi ketma-ket to‘qqizinchisi hisoblanadi. Kreditlar bo‘yicha bazaviy stavka yillik 4 foizdan 4,25 foizgacha, depozitlar bo‘yicha stavka 3,75 foizgacha, qisqa muddatli kreditlar bo‘yicha esa 4,5 foizgacha oshirildi. Regulyatorning qarori tahlilchilar kutilmalariga to‘g‘ri kelgan. Ba’zi ko‘rsatkichlar pasayish belgilarini ko‘rsatayotgan bo‘lsa-da, asosiy inflyatsiya umumiy darajada yuqoriligicha qolmoqda, deyiladi press-relizda. Regulyatorning prognozlariga ko‘ra, 2023-yilda Yevropa Ittifoqida inflyatsiya 5,1 foizni tashkil etadi, 2024-yilda 3 foizga, 2025-yilda esa 2,3 foizgacha pasayadi.  Sentabrga rejalashtirilgan navbatdagi yig‘ilishda Yevropa Markaziy banki inflyatsiyani pasaytirish bo‘yicha maqsadlarga erishishga qarab stavkani yana oshirishi yoki uni saqlab qolishi mumkin, deydi tahlilchilar. Mutaxassislar 14-sentabrdagi yig‘ilishda regulyator stavkani yana 25 bazaviy punktga oshirishini taxmin qilmoqda.

1 2 3 4 5 Категория: Har-Hil | Просмотров:60 | Добавил: moderator | Теги: yangilik | Рейтинг: 0.0/0

Всего комментариев: 0