Главная » 2017 » Sentyabr » 17 » Yetti yil kutilgan filmni qarshi olishga tayyormisiz?

---

18:43 Yetti yil kutilgan filmni qarshi olishga tayyormisiz?

24 sentyabr kuni poytaxtimizda joylashgan Alisher Navoiy nomidagi kinosaroyida "Ada emas, dada" nomli musiqali filmning ilk premyerasi bo‘lib o‘tadi. Eng uzoq kutilgan mazkur kinokartinaning namoyishidan oldin, film haqida batafsil ma'lumot berishga ahd qildik. Keling. Avvalo filmning jonkuyar ijodiy jamoasi haqida to‘xtalsak. Kartina "9 oy", "Sevgi fazosi", "Shabnam", "Janob xechkim", "Begonalar", "Bevalar", "Ro‘yo" kabi filmlar orqali tanish bo‘lgan Mirmaqsud Oxunov rejissyorligida tasvirga tushirilgan. Operator o‘z ishining ustasi Rustam Murodov. Kompozitor Doniyor Agzamov. Stsenariy muallifi Madina Mo‘minova. Liboslar bo‘yicha dizayner va pardozchi Lidiya Andre. Prodyuser Obid Asomov. Unda bosh rollarni Obid Asomov, Fotima Rejametova va Tohir Sodiqov ijro qilgan. Rollarda Abduraim Abduvahobov, Murod Rajabov, Tohir Saidov, Matyoqub Matchonov, Munavvara Abdullayeva, Dilbar Ikromova, Muhammadiso Abdulxayirov, Shuhrat Nuraliyev, Shohida Uzoqova, Botir Muhammadxo‘jayev va boshqalar qatnashgan. Filmni ichida 10 ta saundtrek mavjud bo‘lib, qo‘shiqlarni Tohir Sodiqov, Rashid Holiqov, Rayxon, Manzura, Munisa Rizayeva, Nilufar Usmonova, Davron Ergashev, Jahongir Poziljonov va marhum Mo‘min Oripov, Ziyoda, Ulug‘bek Rahmatullayev, Otabek Mutalxo‘jayev hamda Oybek va Nigora ijro etishgan. Filmni suratga olish ishlari 2007 yilda boshlangan bo‘lib, jarayon 2010 yilgacha davom ettirilgan. Tasvirga tushirish ishlari Toshkentda bo‘lib o‘tgan. Kartina uchun O‘zbekfilm pavilyonida juda katta maxsus dekoratsiyalar qurilgan. Kinofilm bundan 20 yil oldin suratga olingan "Toxir va Zuxra" komediyasining mantiqiy davomi hisoblanadi. Film voqyealari aynan "Toxir va Zuxra" kartinasi qahramonlarining xayotidan hikoya qiladi. Birinchi filmda otasi Toxirni uylantirgan bo‘lsa, ikkinchi qismida u otasini uylantirishga harakat qiladi. Qolaversa, bu filmning ichida yana bir film ham bor. 24 sentyabr kuni premyerasi bo‘ladigan bu kartina 25 sentyabrdan poytaxtimiz kinoteatrlarida namoyish etila boshlaydi. Shuningdek, filmning premyerasi har bir viloyatdagi kinoteatrlarda ham o‘tkazilishi rejalashtirilgan. Mazkur premyeralarda ham albatta filmning bosh qahramonlari ishtirok etishadi.

1 2 3 4 5 Категория: Har-Hil | Просмотров:2401 | Добавил: Admin | Теги: Yetti yil kutilgan filmni qarshi ol | Рейтинг: 0.0/0

Всего комментариев: 0