Главная » 2023 » Yanvar » 2 » Yerga har 50 ming yilda bir keladigan kometa yaqinlashmoqda

---

09:27 Yerga har 50 ming yilda bir keladigan kometa yaqinlashmoqda

Yerga C/2022 E3 (ZTF) kometasi yaqinlashmoqda, u har 50 000 yilda Quyosh atrofida aylanadi. Oxirgi marta ushbu osmon jismi sayyorada neandertallar yashagan paytda Yer ustidan uchib o‘tgan, deb yozadi Russian Traveler nashri. C/2022 E3 (ZTF) kometasi astronomlar tomonidan mart oyining boshida kashf etilgan. O‘shandan beri kometa sezilarli darajada yorqinlashgan va endi Shimoliy Korona yulduz turkumi ustidan uchmoqda. Kometa hozirda Yerdan 188 million kilometr uzoqlikda joylashgan. 2023-yilning 1-yanvarida u Quyoshga eng yaqin keladi, 1-fevralda esa sayyoramizga maksimal darajada yaqinlashishi kutilmoqda. Yaqinda olimlar kometaning birinchi batafsil fotosuratini oldi, unda yorqinroq yashil koma va sarg‘ish changdan iborat dum ko‘ringan. Kometa hali teleskopsiz ko‘rish uchun juda xira bo‘lsa-da, u bizga taxminan 41,8 million kilometr masofada yaqinlashganda, uni oddiy ko‘z bilan ko‘rish mumkin bo‘ladi. Bunga qadar 2020-yil iyul oyida NEOWISE kometasi oddiy ko‘z bilan ko‘rilgan.

1 2 3 4 5 Категория: Har-Hil | Просмотров:458 | Добавил: moderator | Теги: yangilik | Рейтинг: 0.0/0

Всего комментариев: 0