Yaponiyaga viza olish osonlashtirildi - 19 Июня 2017 - www.Nozim-Studio.com

Главная » » Yaponiyaga viza olish osonlashtirildi

13:32 Yaponiyaga viza olish osonlashtirildi
Yaponiya tomoni O‘zbekiston Respublikasi Tashqi ishlar vazirligini O‘zbekiston fuqarolik pasportiga ega bo‘lgan shaxslar tomonidan Yaponiyaga qisqa muddatli viza (90 kundan oshmagan muddatga) olish uchun ariza berish tartibining soddalashtirilgani haqida rasman xabardor qildi. TIV Axborot xizmatining xabariga ko‘ra, soddalashtirilgan tartib quyidagilarni o‘z ichiga oladi: 1. Ishbilarmonlik maqsadlari bilan bog‘liq bo‘lgan, madaniyat va intellektual mehnat arborlari uchun safar qilish sohalarini kengaytirish. Fuqaro ayni shu viza bilan Yaponiyaga qayta tashrif buyurganda undan turistik maqsadlarda hamda qarindosh va tanishlarini ziyorat qilish maqsadlarida foydalanishi mumkin. 2. Davlat tashkilotlari, Yaponiya fond bozorlarida ro‘yxatga olingan tashkilotlar tomonidan moliyalashtiriladigan kompaniyalar xodimlariga hamda Yaponiyaga avval ham tashrif buyurgan arizachilarning ko‘p martalik qisqa muddatli vizalari amal qilish muddati uch yildan besh yilga uzaytiriladi. 3. Bir martalik qisqa muddatli viza olish uchun ariza bilan murojaat qilinganda kafolatlash tizimi bekor qilinadi. Kerakli hujjatlar ro‘yxati va ariza bilan murojaat qilish tartibi to‘g‘risidagi to‘liq ma'lumotni Yaponiyaning O‘zbekiston Respublikasidagi Elchixonasi veb-saytidan olishingiz mumkin.
1 2 3 4 5 Категория: Har-Hil \| Просмотров:1476 \| Добавил: Admin \| Теги: Yaponiyaga viza olish osonlashtiril \| Рейтинг: 0.0/0