Главная » 2023 » Yanvar » 2 » Yaponiya Zelenskiyni 2023-yilgi G7 sammitida ishtirok etishga taklif qilmoqchi

---

13:40 Yaponiya Zelenskiyni 2023-yilgi G7 sammitida ishtirok etishga taklif qilmoqchi

2023-yilda "Katta yettilik” davlatlari (G7) raisi maqomini oladigan Yaponiya Ukraina prezidenti Vladimir Zelenskiyni G7 sammitida onlayn formatda ishtirok etishga taklif qilmoqchi. Bu haqda Nikkei gazetasi xabar berdi. Uchrashuv Xirosimada 19—21-may kunlari bo‘lib o‘tadi. Gazetaning yozishicha, Tokio Ukrainadagi urushni "intensiv muhokama qilish” uchun sharoit yaratmoqchi. Zelenskiyning nutqi G7 yetakchilariga mamlakatdagi vaziyatni "to‘g‘ridan to‘g‘ri bilish” imkonini beradi. Yaponiya bosh vaziri Fumio Kisida yanvar oyida G7 ning boshqa mamlakatlariga, birinchi navbatda Buyuk Britaniya, Fransiya, Italiya va AQSHga tashrif buyurishni rejalashtirmoqda. Gazetaning yozishicha, Tokio uchun assotsiatsiyaga a’zo davlatlar rahbarlarining Ukrainadagi vaziyatni tartibga solish masalasi bo‘yicha harakatlarini muvofiqlashtirish Tayvan va Xitoy rasmiylari o‘rtasida yuzaga kelishi mumkin bo‘lgan mojaroga tayyorgarlik ko‘rishda muhim qadam bo‘ladi. 2022-yil yozida Zelenskiy Germaniya kansleri Olaf Sholsning 26—28-iyun kunlari Elmau shahrida bo‘lib o‘tgan G7 sammitida ishtirok etish taklifini qabul qilgandi. Prezident, shuningdek, 11-oktabr kuni, Rossiya harbiylari mamlakat infratuzilmasiga ommaviy zarbalar bergan kunning ertasiga G7 ning favqulodda onlayn sammitida ishtirok etdi. 13-dekabr kuni Zelenskiy G7 mamlakatlariga murojaat yo‘lladi, unda "tinchlik sari qadamlar” sanab o‘tilgan: Kiyevni zamonaviy qurol turlari bilan ta’minlash, moliyaviy va energetika barqarorligini saqlashga yordam berish, shuningdek, "tinchlik formulasi” mavzusini muhokama qilish uchun sammit chaqirish.

1 2 3 4 5 Категория: Har-Hil | Просмотров:265 | Добавил: moderator | Теги: yangilik | Рейтинг: 0.0/0

Всего комментариев: 0