Главная » 2018 » May » 4 » Xorazmda shifokorlar yosh ayolning o‘limiga sababchi bo‘ldi

---

18:59 Xorazmda shifokorlar yosh ayolning o‘limiga sababchi bo‘ldi

Joriy yil 5 mart kuni Xorazm viloyati Gurlan tumanidagi "Vazir” qishlog‘ida yashovchi, uy bekasi, 1986 yilda tug‘ilgan A.Masharipova viloyat perinatal markazining jonlantirish bo‘limida ikki tomonlama polisegmentar bronxopnevmaniyadan keyingi o‘pka va yurak yetishmovchiligidan vafot qilgan. Bu haqda Xorazm viloyati IIB Matbuot xizmati xabar berdi. Ushbu ish yuzasidan tekshiruv o‘tkazilganida Gurlan tumani Tibbiyot birlashmasi shifokorlari o‘z vazifasiga beparvolik bilan munosabatda bo‘lganliklari oqibati fuqaro A.Masharapova bevaqt vafot etgani aniqlandi. Ma'lum bo‘lishicha, bemor 2018 yil 10 fevral kuni shamollash asorati bilan tuman kasalxonasiga murojaat qiladi. Biroq, shifokorlar uni o‘z vaqtida jiddiy tekshiruvdan o‘tkazib, tashxis qo‘yishni paysalga solishadi. Natijada asosiy kasallik asorati o‘ta shiddat bilan rivojlanib bemor og‘ir ahvolda viloyat kasalxonasiga yotqizilgan. Vaqt o‘tgan edi. Malakali shifokorlar tomonidan ko‘rsatilgan tibbiy muolajaga qaramasdan o‘ttiz bir yoshli ayolning hayotini saqlab qolishning imkoni bo‘lmadi. Hozirda ushbu holat bo‘yicha Gurlan tumani prokuraturasi tomonidan tuman Tibbiyot birlashmasi  mansabdor shaxslariga nisbatan Jinoyat Kodeksining 116-moddasi  3-qismi bilan jinoyat ishi qo‘zg‘atilib, tergov harakatlari olib borilmoqda.

1 2 3 4 5 Категория: Har-Hil | Просмотров:1088 | Добавил: Moderator | Рейтинг: 0.0/0

Всего комментариев: 0