Главная » 2022 » Noyabr » 18 » Xitoy josusi AQSHda 20 yillik qamoqqa hukm qilindi

---

20:11 Xitoy josusi AQSHda 20 yillik qamoqqa hukm qilindi

AQSHning Sinsinatti shahrida Federal sud 42 yoshli Xitoy fuqarosi Syuy Yanszyunni josuslik qilgani va Amerika aviatsiya kompaniyalaridan tijoriy sirlarni o‘g‘irlashga uringani uchun 20 yillik qamoqqa hukm qildi. Bu haqda AQSH Adliya vazirligi xabar bermoqda. "Bugungi hukm ushbu jinoyatlarning jiddiyligini hamda Adliya vazirligining Xitoy yoki boshqa har qanday chet mamlakat hukumatining iqtisodiy va milliy xavfsizligimiz uchun xavf yaratishga qaratilgan xatti-harakatlarini tekshirishga qat’iy yondashishini ko‘rsatadi”, — dedi AQSH bosh prokurori Merrik Garland. Da’vo qilinishicha, Syuy Yanszyun — Xitoy Davlat xavfsizligi vazirligi razvedka boshqarmasining amaldagi ofitseri. U 2013—2018-yillarda taxalluslardan va soxta kompaniyalardan foydalanib, Amerikaning yetakchi aviatsiya kompaniyalaridan ma’lumotlarni o‘g‘irlagan. Syuy Yanszyun 2018-yilda Belgiyada qo‘lga olingan. Noyabr boshida sud uni iqtisodiy josuslikni amalga oshirish maqsadida til biriktirish, tijoriy sirni o‘g‘irlash maqsadida til biriktirish, iqtisodiy josuslikka urinish va tijoriy sirlarni o‘g‘irlashga urinish kabi barcha ayblov bandlari bo‘yicha aybdor deb topdi.

1 2 3 4 5 Категория: Har-Hil | Просмотров:291 | Добавил: moderator | Теги: yangilik | Рейтинг: 0.0/0

Всего комментариев: 0