Главная » 2023 » Mart » 11 » Xitoy gipertovushli qurollar bo‘yicha Rossiyadan o‘zib ketdi — AQSH razvedkasi

---

21:46 Xitoy gipertovushli qurollar bo‘yicha Rossiyadan o‘zib ketdi — AQSH razvedkasi

Xitoy gipertovushli qurollar ishlab chiqarishda Rossiyadan o‘zib ketdi, bundan tashqari Tinch okeanida AQSH harbiy nishonlariga zarba bera oladigan qurollarni o‘rnatishga qodir. Bu haqda Pentagon razvedka boshqarmasining analitika bo‘limi bosh ilmiy xodimi Pol Freystler Vakillar palatasining Qurolli kuchlar qo‘mitasiga ma’lum qildi, deb yozmoqda Bloomberg. "Xitoy ham, Rossiya ham gipertovushli qurollarning ko‘plab muvaffaqiyatli sinovlarini o‘tkazgan, operatsion tizimlarni ham o‘rnatgan bo‘lsa-da, Xitoy infratuzilmani qo‘llab-quvvatlash va tizimlar soni bo‘yicha Rossiyadan oldinda”, — dedi Freystler. Uning ta’kidlashicha, Xitoy "intensiv, maqsadli sarmoya” tufayli yadroviy va noyadroviy gipertovushli raketa texnologiyalarini ishlab chiqishda "keskin ilgarilagan”. Avvalroq AQSH harbiylari Xitoy va Rossiyaning gipertovushli qurollarni yaratish borasidagi taraqqiyotidan xavotir bildirgandi. Noyabr oyida AQSH Harbiy-dengiz kuchlarining strategik tizimlar dasturi direktori vitse-admiral Jonni Vulf Moskva va Pekin Vashingtonni bu sohada ularga "zudlik bilan yetib olish” uchun harakat qilishga majburlayotganini aytgandi. Pentagon yanvar oyi oxirida HAWC dasturi doirasida gipertovushli raketa prototipining navbatdagi muvaffaqiyatli parvozi haqida xabar berdi. Raketa Lockheed Martin kompaniyasi tomonidan ishlab chiqilmoqda. Sinovlar davomida u 18 kilometrdan ortiq balandlikda 5 Max (soatiga 6,1 ming km) tezlikka chiqqan va taxminan 483 kilometr masofani bosib o‘tgan. Rossiya prezidenti Vladimir Putin 2018-yilda Moskvada "Kinjal” va "Avangard” gipertovushli raketalari borligi haqida e’lon qilgan, 2021-yilda esa "Zirkon” gipertovushli raketa tizimini sinovdan o‘tkazish yakunlanganini bildirgan edi.

1 2 3 4 5 Категория: Har-Hil | Просмотров:223 | Добавил: moderator | Теги: yangilik | Рейтинг: 0.0/0

Всего комментариев: 0