Главная » 2023 » Fevral » 3 » Xitoy AQSH osmonidagi “razvedkachi havo shari” ularga tegishli ekanini ma’lum qildi

---

21:48 Xitoy AQSH osmonidagi “razvedkachi havo shari” ularga tegishli ekanini ma’lum qildi

Xitoy Tashqi ishlar vazirligi AQSH osmonidagi "razvedkachi havo shari” ularga tegishli ekanini ma’lum qildi. Bu haqda vazirlik saytida e’lon qilindi. Vazirlik bayonotiga ko‘ra, uchar obyekt fuqarolik apparati bo‘lib, asosan meteorologik tadqiqot maqsadida foydalaniladi. AQSH tomoni u razvedkachi havo shari ekanini ma’lum qilgandi. "Uning boshqaruv imkoniyatlari cheklangan va g‘arbiy shamollar ta’sirida u rejalashtirilgan yo‘nalishdan ancha og‘ib ketgan. Xitoy tomoni fors-major holatlari tufayli uchar apparatning AQSH havo hududiga beixtiyor kirganidan afsusda”, — deyiladi bayonotda. Ma’lumot o‘rnida, AQSH harbiylari so‘nggi bir necha kun davomida mamlakatning shimoliy qismida razvedkachi havo sharini kuzatmoqda. Harbiylar havo sharini urib tushirish niyatida emasligi, chunki u fuqaro aviatsiyasi uchun xavf tug‘dirmasligini ma’lum qilgan. Amerika rasmiylari holat yuzasidan Xitoy hukumati bilan "Vashington va Pekindagi bir nechta kanallar orqali” aloqaga chiqqan.

1 2 3 4 5 Категория: Har-Hil | Просмотров:127 | Добавил: moderator | Теги: yangilik | Рейтинг: 0.0/0

Всего комментариев: 0