Главная » 2020 » Fevral » 11 » Xalqaro qidiruvga berilgan o‘zbekistonlik “milliarder” Qozonda qo‘lga olindi

---

16:19 Xalqaro qidiruvga berilgan o‘zbekistonlik “milliarder” Qozonda qo‘lga olindi

O‘zbekistonlik Viktor Kim firibgarlik, soliqlarni to‘lashdan bo‘yin tovlash va jinoiy daromadni legallashtirish, shuningdek, savdo qoidalarini buzish hamda qalbaki shtamplar tayyorlashda ayblanmoqda. U yetkazgan zarar miqdori 2,5 million dollarga baholanmoqda, deb xabar berdi "Realnoye vremya”. Qayd etilishicha, Qozon shahrining Sovetskiy tuman sudi qaroriga binoan, O‘zbekiston fuqarosi Viktor Kim ekstraditsiya qilish to‘g‘risida qaror qabul qilingunga qadar qamoqqa olingan. 11-fevral kuni sud prokurorning 2019-yil oktabr oyida hibsga olingan 32 yoshli Viktor Kimga qamoq muddatini uzaytirish haqidagi iltimosini ko‘rib chiqadi. O‘zbekistonda u 162 milliard rubl (2,5 million AQSh dollari) ekvivalenti miqdorida yetkazilgan zarar bilan bir qator jinoyatlarda ayblanmoqda. Qayd etilishicha, Viktor Kimga nisbatan sirtdan ayblov Toshkent shahrining jinoyat ishlari bo‘yicha Chilonzor tuman sudi tomonidan 2016-yil may oyida taqdim etilgan. Prokuratura uni davlatlararo qidiruvga bergan. Viktor Kim O‘zbekiston Ichki ishlar vazirligi veb-saytida qidiruvga berilganlar ro‘yxatida turibdi. Unga pulni o‘g‘rilik, firibgarlik, soliqlarni to‘lashdan bo‘yin tovlash, savdo qoidalarini buzish va boshqa ayblovlar qo‘yilgan.

1 2 3 4 5 Категория: Har-Hil | Просмотров:593 | Добавил: moderator | Теги: yangilik | Рейтинг: 0.0/0

Всего комментариев: 0