Главная » 2018 » Iyun » 11 » “Xabbl” teleskopi faol yadroga ega mitti galaktikani suratga tushirdi

---

20:38 “Xabbl” teleskopi faol yadroga ega mitti galaktikani suratga tushirdi

Amerikalik astronomlar "Xabbl” teleskopi yordamida markazida havorang gaz tolalari bo‘lgan IC 4870 mitti galaktikasini suratga tushirdi. Bu haqda NASA matbuot xizmatiga tayanib, "RIA Novosti” xabar bermoqda. IC 4870 galaktikasi Tovus yulduzlar turkumida joylashgan. Galaktika va Yer sayyorasi o‘rtasidagi masofa 28 million yorug‘lik yiliga teng. Markazdagi faol yadroning kuchi butun galaktikani yoritish uchun yetarli. IC 4870 seyfert galaktikalari (markazida faol yadrosi bo‘lgan spiralsimon galaktikalar) sirasiga kiradi. Gaz otilishlaridan dalolat beruvchi emission (nurlanish) chiziqlarning bo‘lishi bu turdagi galaktikalarga xos xususiyatdir. Gaz otilishlarining tezligi bir soniyada bir necha ming kilometrga teng bo‘lishi mumkin. Bu holat olimlar tomonidan kuzatilayotgan spiral galaktikalarning taxminan 1 foizida uchraydi.

1 2 3 4 5 Категория: Har-Hil | Просмотров:1136 | Добавил: Moderator | Рейтинг: 0.0/0

Всего комментариев: 0