Главная » 2017 » Iyun » 6 » Vladimir Putin AQSHning nayranglarini fosh etdi

---

11:08 Vladimir Putin AQSHning nayranglarini fosh etdi

NBC kanali teleboshlovchisi Megin Kelli bilan intervyuda RF Prezidenti Vladimir Putin Rossiyaning boshqa davlatlar saylov jarayonlariga aralashuvi to‘g‘risidagi ayblovlarga javob berdi. Jurnalist avval ham ko‘p bora ovoza bo‘lgan, lekin rasmiy isbotini topmagan ayblov haqida savol berdi: "RF 2016 yili AQSHda bo‘lib o‘tgan saylovga aralashganmi va buning oqibatida Hillari Klinton prezidentlikka saylanmagani haqiqatmi?”   Amerikaning saylovoldi kampaniyalariga aloqasi borligi haqidagi ayblovlarni inkor etgan Vladimir Putin aslida AQSHning o‘zi boshqa mamlakatlar saylov jarayonlarida g‘arazli "faollik” ko‘rsatishini ma'lum qildi.   "Hech kimni xafa qilish niyatim yo‘q, biroq Qo‘shma Shtatlarning o‘zi butun dunyo bo‘ylab boshqa davlatlar saylov kampaniyalarida aralashib yuradi”.   Boshqa davlatlar saylovlariga daxl etuvchi amerikacha tizim qanday ishlashi va uning rangli inqiloblarga ta'siri to‘g‘risida siyosatshunos Andrey Koshkin fikr bildirdi.   "Vladimir Putinning AQSH o‘zga mamlakatlar siyosatiga aralashuvi borasidagi so‘zlari keskin asosga ega. Qo‘shma Shtatlar deyarli butun tarixi mobaynida o‘zini boshqa davlatlarga "demokratiya” va "adolat” olib kiruvchi koinotning siyosiy kuchga ega yagona markazi sifatida namoyon qiladi. Eslatib o‘tmoqchiman, yaqin o‘tmishning o‘zida AQSH boshqa mamlakatlarda 60 dan ortiq rangli inqiloblar o‘tkazishda ishtrok etdi. Buning uchun ular o‘n yillar davomida ishlangan hokimiyatni o‘zgartirish texnologiyasini ishga solishdi. Qoida bo‘yicha, "tajriba” uchun tanlangan davlatda saylov kampaniyalari paytida, ya'ni ovoz hisoblanayotganda "rangli texnologiyalar” yordamida qonunbuzarlik va falsifikatsiyaga yo‘l qo‘yilgani to‘g‘risida ovoza tarqatiladi. Keyin reja bo‘yicha ko‘chalarda oppozitsionerlar, talabalar chiqishlari amalga oshiriladi, qon to‘kiladi. So‘ng tinchlik tarafdori bo‘lgan namoyishchilar o‘rniga avvaldan tayyorlangan jangarilar ishga solinadi. Bularning hammasini amalga oshirish uchun davlatga katta moliyaviy sarmoyalar kiritiladi, shu orqali mamlakatni ich-ichidan to‘zg‘itmoqchi bo‘lishadi. Odatda, shu kabi voqealarning barchasida har bir davlat boshiga o‘zining amerikacha hukumatini keltirmoqchi bo‘lgan Amerika Qo‘shma Shtatlarining qo‘li bo‘ladi”, dedi Andrey Koshkin.

1 2 3 4 5 Категория: Har-Hil | Просмотров:1519 | Добавил: Admin | Теги: Vladimir Putin AQSHning nayranglari | Рейтинг: 0.0/0

Всего комментариев: 0