Главная » 2020 » Fevral » 19 » Uzbekistan Airways to‘rtta Boeing samolyotini sotmoqda

---

15:27 Uzbekistan Airways to‘rtta Boeing samolyotini sotmoqda

Uzbekistan Airways to‘rtta Boeing samolyotini sotuvga qo‘ydi. Bu haqda kompaniya saytida ma’lum qilindi. Qayd etilishicha, bu aviaparkni yangilash va kelgusida unifikatsiyalashtirish loyihasi doirasida amalga oshirilmoqda. Sotuvga qo‘yilgan samolyotlar: Boeing 757−200 UK-75701 (1999-yil) — 12 million 30 ming dollar. Boeing 757−200 UK-75702 (1999-yil) — 12 million 408 ming dollar. Boeing 767- 3 CBER UK-67007 (2003-yil) — 21 million 414 ming dollar. Boeing 767−3 CBER UK-67008 (2004-yil) — 22 million 362 ming dollar. Eslatib o‘tamiz, 2019-yilning iyunida Uzbekistan Airways milliy aviakompaniya samolyotlar parkini unifikatsiyalash va takomillashtirish, ekspluatatsiya xarajatlarini kamaytirish, xizmat muddati 15 yildan ortiq bo‘lgan havo kemalarini realizatsiya qilishni rejalashtirganini ma’lum qilgan va 5 ta modeldagi jami 18 ta samolyotni sotuvga qo‘ygan edi. Xorij internet saytlari, ijtimoiy tarmoqlarda yangi keltirilgan zamonaviy Boeing 787 Dreamliner samolyotlari ham sotuvga qo‘yganligi haqida xabarlar tarqalgan, kompaniya bu ma’lumotni rad etgan edi. Avvalroq Jahon banki O‘zbekiston aviatsiya tizimini modernizatsiya qilishga yordam berishi haqida xabar berilgan edi. Turizmni rivojlantirish qo‘mitasi raisi Aziz Abduhakimov samolyotlar soni ko‘paytirilmasa, O‘zbekiston bozorni Qozog‘istonga boy berishi mumkinligini aytgan.

1 2 3 4 5 Категория: Har-Hil | Просмотров:519 | Добавил: moderator | Теги: yangilik | Рейтинг: 0.0/0

Всего комментариев: 0