Главная » 2021 » Dekabr » 31 » UzAuto Motors Ozarbayjonda avtomobillar yig‘ishni yo‘lga qo‘ydi

---

22:52 UzAuto Motors Ozarbayjonda avtomobillar yig‘ishni yo‘lga qo‘ydi

UzAuto Motors’ning Ozarbayjonning Hajigabul shahridagi zavodida 28-dekabrdan Chevrolet Damas, Labo, Lacetti, Tracker va Malibu avtomobillarini yig‘ish yo‘lga qo‘yildi. Bu haqda kompaniya axborot xizmati xabar qildi. Qayd etilishicha, ishlab chiqarish "Azermash CP” MChJ QK zavodining ishlab chiqarish quvvatlarida yo‘lga qo‘yilgan bo‘lib, bu yerda 2021-yilning sentabr oyidan buyon Chevrolet Nexia va Cobalt avtomobillari ishlab chiqarilmoqda. Barcha mahsulotlar General Motors tomonidan o‘rnatilgan jahon standartlariga muvofiq ishlab chiqariladi. Ushbu yo’nalishda keyingi qadam Ozarbayjondagi Chevrolet avtomobillari portfoliosini yangi perspektiv avtomobil modellari bilan to‘ldirish rejalashtirilgan. Shuningdek, kelgusi yillarda ishlab chiqarishni bosqichma-bosqich oshiriladi. 2022-yil oxiriga kelib, yiliga kamida 5 mingta avtomobil ishlab chiqarish quvvatiga erishish ko‘zda tutilgan. Eslatib o‘tamiz, Boku shahri yaqinida joylashgan Hajigabul sanoat kvartali tarkibiga kiruvchi "Azermash CP – Avtosanoat Invest” MChJ (O‘zbekiston) va "STA Insaat” MChJ (Ozarbayjon) tomonidan tashkil etilgan qo‘shma kompaniya hisoblanadi. Loyiha tomonlar o‘rtasida 2021-yil 21-iyulda imzolangan kelishuv tufayli amalga oshirilgan. Munosabatlarning yangi bosqichi 2019-yil oktabr oyida Shavkat Mirziyoyevning Bakudagi rasmiy tashrifi vaqtida Turkiy kengashning sammiti doirasida e’lon qilingan. Hajigabul shahrida 17-sentabr kuni UzAuto Motors va SamAvto zavodi ishlab chiqarish liniyasining tantanali ochilish marosimi bo‘lib o‘tgan. Avvalroq O‘zbekiston 11 oyda qaysi davlatlarga eng ko‘p avtomobil eksport qilgani ma’lum bo‘lgandi. Unga ko‘ra, Ozarbayjon 253 ta avtomobil bilan 4-o‘rinni band etgan

1 2 3 4 5 Категория: Har-Hil | Просмотров:395 | Добавил: moderator | Теги: yangilik | Рейтинг: 0.0/0

Всего комментариев: 0