Главная » 2023 » Avgust » 30 » Ukrainada halok bo'lgan tinch aholi soni 9,5 mingdan oshdi

---

21:45 Ukrainada halok bo'lgan tinch aholi soni 9,5 mingdan oshdi

Birlashgan Millatlar Tashkilotining Inson huquqlari bo‘yicha Oliy komissari boshqarmasi ma’lumotlariga ko‘ra, 2022-yil 24-fevraldan beri Ukrainada harbiy harakatlar natijasida 9511 kishi halok bo‘lgan. Yana 17 206 kishi jarohat olgan. Halok bo‘lganlar orasida 4405 nafar erkak, 2638 nafar ayol, 233 nafar qiz va 287 nafar o‘g‘il bola, shuningdek, jinsi aniqlanmagan 29 nafar bola va 1919 nafar kattalar bor. Mazkur ma’lumotlar BMT Inson huquqlari bo‘yicha Oliy komissari boshqarmasining 27 avgust holatiga ko‘ra hisob-kitoblari asosida e’lon qilindi. Birlashgan Millatlar Tashkilotining Ukrainadagi Inson huquqlari monitoringi missiyasining 7-iyuldagi ma’lumotlariga ko‘ra, 2022-yilning 24-fevralidan buyon Ukrainadagi urushda 9 000 nafardan ortiq tinch aholi vakillari halok bo‘lgani ma’lum qilingandi. Shuningdek, halok bo‘lganlardan 500 nafardan ortig‘ini voyaga yetmaganlar tashkil qilishi aytib o‘tilgan.

1 2 3 4 5 Категория: Har-Hil | Просмотров:83 | Добавил: Admin | Теги: yangilik | Рейтинг: 0.0/0

Всего комментариев: 0