Главная » 2023 » Iyul » 21 » Ukraina Tashqi ishlar vazirligi Qirg‘iziston elchisini chaqirtirdi

---

23:18 Ukraina Tashqi ishlar vazirligi Qirg‘iziston elchisini chaqirtirdi

Ukraina Tashqi ishlar vazirligi 20-iyul kuni Qirg‘iziston elchisi Idris Qodirqulovni huzuriga chaqirtirdi. Bu haqda AKIpress xabar berdi. Ukraina TIV maʼlumotlariga ko‘ra, elchi Rossiyaga qarshi sanksiyalarni chetlab o‘tish uchun Qirg‘iziston yurisdiksiyasidan foydalanilayotgani haqidagi maʼlumotlar yuzasidan tushuntirish olish uchun chaqirilgan. Gap qurol-yarog‘ ishlab chiqarishda qo‘llanishi mumkin bo‘lgan ikki maqsadli mahsulotlar va yuqori texnologiyali butlovchi qismlarni Rossiyaga yetkazib berish haqida ketmoqda. "Diplomatning eʼtibori Qirg‘iziston jahon hamjamiyatining aʼzosi sifatida Rossiyaga qarshi xalqaro sanksiyalar siyosatiga rioya qilish uchun javobgar bo‘lishi kerakligiga qaratildi. Qirg‘iziston hududidan Rossiyaga harbiy texnika uchun ishlatilishi mumkin bo‘lgan tovarlarni reeksport qilish Ukraina tomonidan nodo‘stona harakat sifatida baholanadi”, — deyiladi Ukraina TIV bayonotida.  20-iyul kuni AQSH Moliya vazirligining Xorijiy aktivlarni nazorat qilish boshqarmasi (OFAC) Qirg‘izistondagi 4 ta kompaniyaga nisbatan sanksiyalar joriy qildi. Belgilanganidek, chora-tadbirlar Yettilik guruhi (G7) mamlakatlari rahbarlari tomonidan 2023-yil 24-fevral va 2023-yil 19-mayda qabul qilingan majburiyatlar doirasida ko‘rilmoqda. Rossiya Qirg‘izistondagi tashkilotlardan ikki tomonlama texnologiyani sotib olish uchun foydalangani aytilmoqda.

1 2 3 4 5 Категория: Har-Hil | Просмотров:83 | Добавил: moderator | Теги: yangilik | Рейтинг: 0.0/0

Всего комментариев: 0