Главная » 2023 » Fevral » 27 » Twitter yana xodimlarining 10 foizini ishdan bo‘shatdi — NYT

---

22:38 Twitter yana xodimlarining 10 foizini ishdan bo‘shatdi — NYT

Twitter shanba, 25-fevral oqshomida kamida 200 xodimini ishdan bo‘shatdi. Bu haqda The New York Times manbalariga tayanib xabar berdi. Ma’lumotlarga ko‘ra, kompaniya xodimlari soni 2 mingga yaqin. Ishdan bo‘shatishning so‘nggi to‘lqini natijasida u yana 10 foizga qisqargan. Qisqartirish mashinani o‘rganish va sayt ishonchliligi ustida ishlagan mahsulot menejerlari, ma’lumotlar bo‘yicha tahlilchilar va muhandislarga ta’sir qildi. Shuningdek, ijtimoiy tarmoqqa pul keltiruvchi xizmatlarni boshqaradigan monetizatsiya guruhidagi aksariyat xodimlar ham ishdan ayrildi. "Ushbu tuzilmada ishdan bo‘shatishning so‘nggi to‘lqinigacha 30 kishi ishlagan bo‘lsa, hozir ular sakkiz nafardan kam qoldi”, — deyiladi xabarda. Ba’zi xodimlar ishdan bo‘shatilgani haqida kompaniya Slack korporativ messenjeri orqali muloqot qilishni qiyinlashtirganidan keyin bilib oldi. Shuningdek, ular elektron pochta va ish kompyuterlariga kirish huquqini yo‘qotgan. Maskning rahbarligi ostida Twitter ommaviy ishdan bo‘shatish orqali xodimlar sonini qisqartirdi. Ayrim xodimlar esa siyosatdagi katta o‘zgarishlardan keyin ketishga majbur bo‘ldi. Joriy yilning 19-yanvar kuni xabar berilishicha, Ilon Mask inkor etayotganiga qaramay, Twitter’da xodimlarni ishdan bo‘shatish jarayoni kuchayib bormoqda. Qayd etilishicha, reklama va monetizatsiyaga mas’ul bo‘lgan o‘nlab xodimlar kompaniyani tark etishga majbur bo‘lgan. Ilon Mask Twitter’ni sotib olish bo‘yicha kelishuvni 27-oktabr kuni yakunlab, kompaniya uchun 44 milliard dollar to‘lagan. Shundan so‘ng tadbirkor ijtimoiy tarmoq xodimlarining yarmiga yaqinini ishdan bo‘shatdi, qolganlarni esa yuqori intensivlik bilan ishlash kerakligi haqida ogohlantirdi. OAV xabarlariga ko‘ra, ushbu voqealar fonida platforma faoliyatini saqlab qolish uchun muhim bo‘lgan ko‘plab xodimlar Twitter’ni tark etgan.

1 2 3 4 5 Категория: Har-Hil | Просмотров:201 | Добавил: moderator | Теги: yangilik | Рейтинг: 0.0/0

Всего комментариев: 0