Главная » 2022 » Noyabr » 18 » Twitter kompaniyasi ommaviy ishdan ketishlar fonida o‘z ofislarini vaqtinchalik yopdi

---

20:17 Twitter kompaniyasi ommaviy ishdan ketishlar fonida o‘z ofislarini vaqtinchalik yopdi

Twitter kompaniyasi o‘z ofislarini 21-noyabr, dushanba kuniga qadar yopib qo‘ydi, deb xabar bermoqda BBC. Xodimlarga xat yuborilib, ofis binolarini tark etish so‘raldi va ularning Twitter binolariga kirish uchun ruxsatnomalari amal qilishi to‘xtatildi. "Har bitta xodimning, shuningdek, Twitter tizimlari va foydalanuvchilar ma’lumotlari xavfsizligini ta’minlash uchun ofislarimiz vaqtinchalik yopiladi, ruxsatnomalar orqali kirish to‘xtatiladi”, — deyiladi xatda. Business Insider ma’lumotlariga ko‘ra, "lokaut”ga kompaniya egasi Ilon Maskning ichki qo‘poruvchiliklar ehtimolidan xavfsiragani sabab bo‘lgan bo‘lishi mumkin. Bu orada Maskning ultimatumidan keyin Twitter xodimlari yoppasiga ishdan ketishni boshlagani aytilmoqda. Allaqachon yuzlab ishchilar kompaniyani tark etgan. 16-noyabr kuni Mask xodimlariga ultimatum qo‘yib, qattiq ishlashni yoki ishdan ketishni buyurgan edi. Bu haqda u o‘z xodimlariga elektron xat yuborgan. U kompaniyada qolayotgan xodimlar "uzoq soat va yuqori intensivlik bilan” ishlashini yozgan. Maskning qo‘liga o‘tganidan so‘ng Twitter xarajatlarni kamaytirish uchun 3700 ga yaqin xodimini ishdan bo‘shatgandi. Aksariyat xodimlar elektron pochta va Slack kabi korporativ tizimlarga kira olmay qolganidan keyin ishdan bo‘shatilganini tushungan.

1 2 3 4 5 Категория: Har-Hil | Просмотров:284 | Добавил: moderator | Теги: yangilik | Рейтинг: 0.0/0

Всего комментариев: 0