Oxir zamon Payg'ambari Allohning Rasuli (s.a.v.)ni tushda ko'rishning tabirlari oldingi bo'limlarda berildi. Tushda odam alayhissalomni ko'rish zuhd va taqvoga erishishdir. Shunday sharafga noil bo'lgan kishining duosi va tavbasi qabul bo'ladi. Odam alayhissalomni tush ko'rgan kishi gunohdan tiyilmaydigan kishi bo'lsa, falokatga uchrab o'ziga jabr qilishi mumkin. Tushida Ibrohim alayhissalomni ko'rgan kishidan Yaratgan mamnun bo'ladi. U uchun ne'mat va rahmat eshiklari ochiladi, hayoti quvonchga to'ladi. Ismoil alayxssalomni tushida ko'rgan kishiga zolim dushmanlari kun bermasa-da, ohirida u kishi ustun keladi; dushmanlari ustidan g'alaba qozonadi. Solih alayhissalomni ko'rgan kishi dushmanlari yomonlik qilmoqchi bo'lsa-da, buni uddalay olmaydi. Yoqub alayhissalomni ko'rgan kishiga Alloh ko'p o'g'il beradi. Bulardan birining boshiga ko'p falokatlar kelsa, ham u azoblardan qutuladi, nufuzga ega bo'ladi. Zakariy alayhissalomni tushida ko'rgan kishining tug'iladigan farzandi duosi ijobatli zot bo'ladi. Yaxyo alayhissalomni tushda ko'rgan kishi tangriga chin dildan bandalik qiladi. Falokatlar va gunohlardan qutuladi. Yunus alayhissalomni tushida ko'rgan kishi shoshqaloqlik qilib qamoqqa tushadi ko'p azob ko'radi. Keyinroq Alloh uning duolarini ijobat qilib, azoblardan qutqaradi. Ayub alayhissalomni tushida ko'rgan kishi ko'p aziyat chekadi. Turmush o'rtog'i kasal bo'ladi, anchadan keyin sog'ayadi. Sulaymon alayhissalomni tushida ko'rgan kishi yuqori lavozimni egallaydi. Tangri unga uzoq vaqt rahbarlik imkoniyatni beradi. U kishi vaqtincha ishdan bo'shatilsa ham qaytadan o'z lavozimiga tiklanadi. Jin, pari kabilarning yomonliklardan himoyalangan bo'ladi. Muso alayhissalomni tushida ko'rgan kishi dushmanlaridan ustun keladi, ularning yomonliklaridan qutuladi. Iso alayhissalomni tushida ko'rgan kishining har bir ishi muborak bo'ladi, farzandi tug'iladi va dushmanlarini yengadi. U odamning ikki dunyosi ham obod bo'ladi.
|