Tushda hayvonlarning ovozini eshtish xafagarchilik, g'am va xavotirga ishoradir. Biror kishi tushida ovozi chiqmaganini, tomog'i bo'g'ilib qolganini ko'rsa umr bo'yi nasibasini qiyinchilik bilan topadi. O'zi ko'rinmagan kishining ovozini eshitgan ovoz qoldirgan taassurotga qarb yaxshi yoki yomon xabar oladi. Tushda otning kishnashini eshitish izzat va quvvatga ishoradir. Itning vovilashini eshitish befoyda so'zga yo'lbars na'rasi esa hayrat va daxshatga ishoradir. Kaptarning sayrashi faryod qilishga, qaldirg'ochning vijirlashi foydali so'z Qur'on o'qishga, qurbaqa ovozi safarga, ilonning vishillashi urushga ishora hisoblanadi. Eshakning hangrashi zolimlarni qarg'ashga, hachir ovozi so'zga va shubhali narsalarga berilishiga, buzoqning ovozi so'zga fitnaga, tuya ovozi safar va qiyinchilikka, arslon o'kirigi tajjub va vahimaga, mushukning miyovlashi faryod, g'iybat va gij-gijlashga ishoradir. Tushda sichqonning chiyillashi ahillikka mehr va rizqqa, kiyik ovozi nola va hasratga, bo'rining uvillashi o'g'rilik qo'rqitishga, tulki ovozini faryod va joy almashtirishga, shoqolning ovozi muhim yaxshi-yomon ishlarga ishora deb tabir qilinadi. Tushda insonning chaqirishi ovozi xalq orasida yaxshi nom chiqarish va shuhratga ishora hisoblanadi. Qo'zi va uloq ovozi yaxshilik mo'l-ko'lchilik va quvonchdir. Mushuk ovozi o'g'ri va fosiq xizmatkor tomonidan qilinadigan yomonlik xabaridir. Tushda yoqimsiz ovoz xafagarchilik ramzidir. Yoqimli ovozlar esa quvonch elchilari.
|