Главная » 2023 » Yanvar » 22 » Turkmanistonda bir palatali parlament qaytarilib, Gurbanguli Berdimuhamedovga milliy yetakchi maqomi berildi

---

21:58 Turkmanistonda bir palatali parlament qaytarilib, Gurbanguli Berdimuhamedovga milliy yetakchi maqomi berildi

Turkmaniston Milliy Gengeshi (parlamenti)ning 21-yanvar kuni Ashxobodda bo‘lib o‘tgan qo‘shma majlisida Turkmaniston xalq hokimiyati oliy organi – Xalq maslahatini tashkil etish to‘g‘risida qaror qabul qilindi. Bu haqda mamlakat davlat axborot agentligiga tayanib, "Interfaks” xabar berdi. Xalq hokimiyati oliy organini Turkmanistonning sobiq prezidenti, avval parlament yuqori palatasi raisi bo‘lgan Gurbanguli Berdimuhamedov boshqaradi. Berdimuhamedovga milliy yetakchi maqomi ham berildi. Qayd etilishicha, yig‘ilishda Xalq maslahatining parlamentda vakillar palatasi sifatidagi o‘rni tugatilib, parlament yana bir palatali organga aylandi. Mamlakat konstitutsiyasiga o‘zgartirish va qo‘shimchalar kiritish to‘g‘risidagi tegishli konstitutsiyaviy qonun loyihasini Turkmaniston prezidenti Serdar Berdimuhamedov imzoladi. 2021-yil yanvar oyida Turkmanistonda qonun chiqaruvchi hokimiyat bir palatali parlamentdan ikki palatali parlamentga o‘tgan edi. Ilgari mamlakatning yagona va bir palatali parlamenti bo‘lgan Majlis quyi palataga, Xalq kengashi esa yuqori palataga aylantirildi. 2022-yil yanvar oyi o‘rtalarida esa Gurbanguli Berdimuhamedov mamlakat konstitutsiyasiga o‘zgartirishlar kiritib, Xalq maslahatiga katta vakolatlar berish va bir palatali parlamentni qaytarish niyati haqida ma’lum qildi. Eslatib o‘tamiz, 2022-yil fevralda Gurbanguli Berdimuhamedov Turkmaniston prezidenti lavozimini "yosh rahbar”ga topshirishini ma’lum qilgan. Bir necha kundan so‘ng uning o‘g‘li Serdar Berdimuhamedov prezidentlikka nomzod sifatida ko‘rsatildi. U mart oyida bo‘lib o‘tgan prezidentlik saylovlarida 72,97 foiz ovoz bilan g‘alaba qozondi.

1 2 3 4 5 Категория: Har-Hil | Просмотров:330 | Добавил: moderator | Теги: yangilik | Рейтинг: 0.0/0

Всего комментариев: 0