Главная » 2023 » Iyul » 3 » Turkiyadagi dengiz sohillaridan necha nafar noqonuniy muhojir qutqarilganiga aniqlik kiritildi

---

21:21 Turkiyadagi dengiz sohillaridan necha nafar noqonuniy muhojir qutqarilganiga aniqlik kiritildi

Turkiyadagi dengiz sohillaridan, xususan, Egey dengizidan 2023-yilning 1-yanvaridan 31-mayigacha bo‘lgan muddatda yunon kuchlari tomonidan Turkiya hududiy suvlariga qaytarilgan 8678 noqonuniy muhojir quruqlikka chiqarilgan. Bu haqda "Daryo”ga Turkiya respublikasi prezidenti huzuridagi Kommunikatsiyalar boshqarmasining Toshkent elchixonasi kommunikatsiyalar bo‘yicha maslahatchisi Hamdi Turshuju maʼlum qildi. Taʼkidlanishicha, Turkiyaning xalqaro noqonuniy migratsiya va yuzaga kelishi mumkin bo‘lgan gumanitar fojiaga qarshi kurashi to‘xtovsiz davom etmoqda. "Xususan Egey va O‘rta Yer dengizida Yevropa, ayniqsa, Gretsiya tomonidan eʼtibordan chetda qolgan va hatto turli aralashuvlar bilan hayotiy muammoga aylangan immigratsiya muammosiga qarshi Turkiyaning insonparvarlik yordami va kurashi uzluksiz davom etmoqda. Turkiya respublikasi Ichki ishlar vazirligi Sohil xavfsizlik qo‘mondonligidan olingan maʼlumotlarga ko‘ra, faqat 1-iyul holatiga ko‘ra yunon kuchlari tomonidan Turkiyaning hududiy suvlarida suzgan rezina qayiqlarda Chanoqqalʼa qirg‘oqlaridan 37 nafar, boshqa vaqt bilan 47 nafar, Izmirda 11 nafar, 2-iyul holatiga ko‘ra esa Chanoqqalʼa qirg‘oqlaridan yana 84 nafar muhojir qirg‘oqqa olib chiqilgan. Oxirgi haftaga qarasak, 25-iyunda 14, 26- iyunda 99 nafar, 27-iyunda 48, 28-iyun kuni esa yana 57 nafar noqonuniy muhojir qutqarilgan”, — deydi Hamdi Turshuju. Qo‘shimcha qilinishicha, iyun oyi oxirida Egey dengizidan Turkiya Sohil xavfsizlik xizmati tomonidan 400 dan ortiq noqonuniy muhojir qutqarilgan.

1 2 3 4 5 Категория: Har-Hil | Просмотров:58 | Добавил: moderator | Теги: yangilik | Рейтинг: 0.0/0

Всего комментариев: 0