Главная » 2023 » Fevral » 16 » Turkiyada zilzila sabab prezidentlik saylovlari olti oyga qoldirilishi mumkin

---

20:22 Turkiyada zilzila sabab prezidentlik saylovlari olti oyga qoldirilishi mumkin

Turkiyadagi umumiy — ham prezidentlik, ham parlament saylovlari olti oydan bir yilgacha kechiktirilishi mumkin. Bu haqda Turkiyaning Haberturk nashrida chop etilgan maqolada aytilmoqda. Maqola mualliflari taʼkidlaganidek, mamlakatdagi hukmron partiya keng koʻlamli zilzila fonida bu masalaga jiddiy yondashmoqda. "Saylov boʻyicha qaror qabul qilinadi. Shundan soʻng Oliy saylov komissiyasi zilzila oqibatlari tufayli toʻrtta viloyatda toʻliq va oltita viloyatda qisman saylov oʻtkazish amalda imkonsiz boʻlib qolganini maʼlum qiladi va saylovni boshqa muddatga qoldirishni soʻraydi”, — deyilgan maqolada. Nashrning xabar berishicha, saylovni keyinga qoldirish kun tartibiga qo‘yilgan, chunki zilzila bilan bog‘liq mavjud vaziyat hozirdanoq saylov jarayonini hukumat uchun mutlaqo salbiy tomonga o‘zgartirgan. Maqola muallifi Fotiha Oltayli taʼkidlaganidek, saylovlarni keyinga qoldirish uchun hokimiyat Konstitutsiyaviy sudning xuddi shunday vaziyat boʻyicha eski qarorlaridan birini qoʻllaydi. Avvalroq Turkiya prezidenti Rajab Toyyib Erdo‘g‘on mamlakatda umumiy saylovlar 2023-yilning 14-mayida o‘tkazilishini, bu aslida belgilangan muddatdan bir oy oldin ekanini aytgandi. Eslatib oʻtamiz, 6-fevral kuni Turkiyaning janubi-sharqiy qismida ikkita kuchli zilzila sodir boʻldi, Suriyaning bir qancha viloyatlariga ham taʼsir qildi. Qurbonlar soni allaqachon 34 ming kishidan oshdi. Qutqaruv ishlari davom etmoqda. BMT ma’lumotlariga ko‘ra, qurbonlar soni 50 ming kishidan ortib ketishi mumkin.

1 2 3 4 5 Категория: Har-Hil | Просмотров:107 | Добавил: moderator | Теги: yangilik | Рейтинг: 0.0/0

Всего комментариев: 0