Turkiya Rossiyaning taklifini rad etdi - 4 Февраля 2016 - www.Nozim-Studio.com

Главная » » Turkiya Rossiyaning taklifini rad etdi

19:09 Turkiya Rossiyaning taklifini rad etdi
Sergey Rijkov: "Rossiya bu qoidabuzarlikni shunchaki qoldirmaydi va shunga yarasha javob qaytaradi!” 1-5 fevral kunlari ochiq osmon kelishuvi doirasida rossiyalik inspektorlar guruhi An-30B samolyotida Turkiya ustidan kuzatuv parvozini amalga oshirishlari haqida avval ham xabar bergan edik. Ammo vaziyat o‘zgarib, Turkiya hukumati Rossiyaga Suriya va NATO aerodromlari ustidan kuzatuv parvozini amalga oshirishiga nisbatan rad javobini berdi, deya xabar beradi "Haber7.com” nashri. Bu holat Rossiya harbiylarining Turkiyaga tashrif buyurib, parvoz amalga oshirilishi rejalashtirilayotgan marshrut yo‘nalishi haqida ma'lumot berganlaridan so‘ng sodir bo‘lgan. Bu esa, o‘z o‘rnida Rossiya hukumati vakillari, xususan Mudofaa vazirligi vakillarining buni "nazoratga olib bo‘lmaydigan harbiy holat” deb baholashlariga sabab bo‘lgan. "Kelishuvga a'zo davlatlar harbiy faoliyatining oydinligi va shaffofligiga ko‘maklashish hamda ishonch choralarini mustahkamlash orqali xavfsizlikni kuchaytirish maqsadida bajarilishi lozim bo‘lgan parvozni bekor qilish barobarida Turkiya nazoratga olib bo‘lmaydigan harbiy holatni keltirib chiqarmoqda va bu ishi bilan kelishuvni buzmoqda. Rossiya bu qoidabuzarlikni shunchaki qoldirmaydi va shunga yarasha javob qaytaradi ”, – deydi Yadroviy xavfni kamaytirish milliy markazi boshlig‘i Sergey Rijkov. Eslatib o‘tamiz, kuzatuv parvozi An-30B samolyotida amalga oshirilishi lozim edi.
1 2 3 4 5 Категория: Har-Hil \| Просмотров:1872 \| Добавил: Admin \| Рейтинг: 0.0/0