Главная » 2016 » Avgust » 29 » Tramp 95 million dollarga sotgan majmua buziladi

---

11:41 Tramp 95 million dollarga sotgan majmua buziladi

Rossiyalik milliarder Dmitriy Ribolovlev Donald Trampdan 2008 yilda Florida shtatida yirik majmuani sotib olgan edi. AQSHning Florida shtatida rossiyalik milliarder Dmitriy Ribolovlev Respublikachilar partiyasining AQSH prezidentligiga nomzodi Donald Trampdan 95 million dollarga sotib olgan yer-mulkni buzmoqchi. Bu haqda "The New York Times” yozmoqda.   Xabarga ko‘ra, gap Palm-Bichdagi 2.4 gektar hudud haqida ketmoqda.  Bu yerda 19 ming kvadrat metrga teng majmua bo‘lib, unda basseyn,  tennis korti va boshqa binolar bor.   Mazkur inshootning xo‘jayini majmuani uchga bo‘lib sotmoqchi,  deyiladi xabarda.   Nashrning yozishicha, Tramp Floridadagi bu majmuani 2004 yilda 41 million AQSH dollari evaziga sotib olgan, 2008 yilda esa rossiyalik milliarderga sotgan. Bu Palm-Bichdagi uy-joy savdosida eng katta miqdordagi oldi-sotdi bo‘lgan.   Ma'lumot o‘rnida, Dmitriy Ribolovlev 1966 yilda Rossiyaning Perm shahrida tug‘ilgan. U tadbirkorlik bilan shug‘ullanadi.  Fransiya chempionatida ishtirok etuvchi "Monako” futbol klubining egasi sanaladi. So‘nggi yillarda "Forbes” jurnali Ribolovlevni Rossiyaning 20 nafar eng boy kishilar ro‘yxatiga kiritib kelmoqda.

1 2 3 4 5 Категория: Har-Hil | Просмотров:1368 | Добавил: Admin | Теги: Tramp 95 million dollarga sotgan ma | Рейтинг: 0.0/0

Всего комментариев: 0