Главная » 2018 » May » 29 » Toshkentning turar joy dahalari hududida ko‘p qavatli avtoturargohlar quriladi

---

12:01 Toshkentning turar joy dahalari hududida ko‘p qavatli avtoturargohlar quriladi

Toshkentning turar joy dahalarida eski metall garajlar o‘rnida zamonaviy ko‘p qavatli avtoturargohlar barpo etila boshlaydi, deb yozadi Sputnik. "Hozirda biz ko‘p qavatli turargohlar qurish uchun bir nechta joylarni ko‘rib chiqyapmiz. Masalan, ‘Bibigon’ kafesining orqa tomonida ayni vaqtda temir garajlar joylashgan joy bor, yana bitta shunday joy — Qorasuv-6 da. Hozircha aniq manzillarni va bunday avtoturargohlarning aniq sonini aytish qiyin”, — dedi Mirzo Ulug‘bek tumani hokimi Shavkatbek Ergashev. Uning so‘zlariga ko‘ra, bunday qurilishni boshlash uchun ko‘plab hujjatlarni muvofiqlashtirish kerak. Masalan, Mirzo Ulug‘bek tumanida ko‘p qavatli turargohlarni barpo etish uchun bir qator joylar mart oyidayoq aniqlab olingan. "O‘ylaymanki, yilning ikkinchi yarmi, masalan, iyuldan bu qurilishlar ko‘rinib qoladi. Bunday qurilish muqarrar, chunki kelajak aynan shunday turargohlar ortida, boshqa yo‘l yo‘q. Axir bunday amaliyot dunyo tajribasiga asoslangan”, — degan fikrda hokim.

1 2 3 4 5 Категория: Har-Hil | Просмотров:1198 | Добавил: Moderator | Рейтинг: 0.0/0

Всего комментариев: 0