Главная » 2018 » May » 28 » Toshkentning Sayilgoh piyodalar ko‘chasiga patrul-post xizmati punkti o‘rnatildi

---

13:59 Toshkentning Sayilgoh piyodalar ko‘chasiga patrul-post xizmati punkti o‘rnatildi

Toshkentda xalq orasida Brodvey sifatida mashhur bo‘lgan Sayilgoh piyodalar ko‘chasida sinov tartibida Ichki ishlar bosh boshqarmasi patrul-post xizmati punkti ishlay boshladi, deb yozadi "Gazeta.uz”. Police degan yozuv tushirilgan va 102 telefon raqamiga ega konditsionerli budkada kecha-yu kunduz militsiya xodimlari navbatchilik qiladi. Ularning ixtiyorida hududda patrullik qilish uchun zarur bo‘lgan ikkita motoroller va bitta avtomobil bor. Bu yerda ishlaydigan xodimlarning vazifasi - hudud xavfsizligini ta’minlash hamda shaharliklar va turistlarga zarur yordamni ko‘rsatish. Xodimlarning bir qismi chet tillarida gaplasha oladi. Budkada Toshkent xaritalari hamda mehmonxonalar, savdo-ko‘ngilochar markazlari va sayyohlarga qiziqarli bo‘lgan boshqa joylar haqidagi bukletlar bor. Monitorda piyodalar ko‘chasini va unga yondosh hududlarni qamrab oluvchi o‘ndan ortiq videokuzatuv kameralari tasvirlari aks etadi. Eslatib o‘tamiz, Toshkentda Zarafshon ko‘chasining Sayilgoh ko‘chasidan Matbuotchilar ko‘chasigacha bo‘lgan uchastkasi piyodalar hududiga aylantirildi.

1 2 3 4 5 Категория: Har-Hil | Просмотров:1203 | Добавил: Moderator | Рейтинг: 0.0/0

Всего комментариев: 0