Главная » 2021 » Dekabr » 6 » Toshkentning ikki tumanida issiqlik ta’minoti vaqtincha to‘xtatiladi

---

11:56 Toshkentning ikki tumanida issiqlik ta’minoti vaqtincha to‘xtatiladi

Toshkent shahridagi "IM-10” qozonxonasiga ulangan M-0 "Du-800” magistral issiqlik tarmoqlarida yuzaga kelgan avariya holati sabab Olmazor va Shayxontohur tumanlarining qator hududlarida issiqlik ta’minoti vaqtincha to‘xtatiladi. Bu haqda "Toshissiqquvvati” DUK matbuot xizmati xabar berdi. Ma’lum qilinishicha, nosozlik sabab 6-dekabr kuni soat 10:00 dan 17:00 gacha quyidagi manzillarda issiqlik ta’minoti vaqtinchalik to‘xtatiladi: Olmazor tumani — Farobiy, Mirzo G‘olib, Qamarniso, Shifokorlar, G’.Karimov, Xodjayeva ko‘chalari hamda TashGosMI, Shifokorlar shaharchasi, TashGU, TashPI, G-30, Olimpiya, Chimboy, Beshqo‘rgon-1, 2, 3, 4, Muxbir, Qoraqamish 2/4 mavzelarida Shayxontohur tumani — Farobiy ko‘chasi hamda Jarariq, Beltepa, Ibn Sino 1, 2-mavzelarida. Ta’kidlanishicha, hozirda avariya tiklash ishlariga 20 kishidan iborat guruh jalb etilgan. Avariya bartaraf etish ishlari zudlik bilan amalga oshirilib, issiqlik ta’minoti qayta tiklanadi. "Toshissiqquvvati” yuzaga kelgan noqulayliklar uchun uzr so‘raydi. Avvalroq O‘zbekistonda issiqlik tarmoqlarining 60 foizi ta’mirtalab ahvolda ekani ma’lum qilingani, Toshkentda isitish tizimiga kechikib ulangan xonadonlar qayta hisob-kitob qilingani to‘g‘risida xabar berilgandi.

1 2 3 4 5 Категория: Har-Hil | Просмотров:408 | Добавил: moderator | Теги: yangilik | Рейтинг: 0.0/0

Всего комментариев: 0