Главная » 2018 » Dekabr » 17 » Toshkentdagi 16 ta qabriston hududi kengaytiriladi

---

22:42 Toshkentdagi 16 ta qabriston hududi kengaytiriladi

O‘zbekiston Respublikasi Vazirlar Mahkamasining "Toshkent shahridagi qabristonlarning sanitariya holatini yaxshilash va moddiy-texnika bazasini mustahkamlash chora-tadbirlari to‘g‘risida”gi qarori qabul qilindi.   Hukumat qarori bilan:   Toshkent shahridagi kengaytirilishi rejalashtirilayotgan qabristonlar va ularga ajratilayotgan yer maydonlari ro‘yxati;   Toshkent shahridagi qabristonlarning sanitariya holatini yaxshilash ishlarini moliyalashtirishning asosiy parametrlari;   2018-2020 yillarda Toshkent shahar hokimligi xuzuridagi Obodonlashtirish bosh boshqarmasining Fuqarolarga xizmat ko‘rsatish boshqarmasini ta'minlash uchun maxsus avtotransport va texnika vositalari ro‘yxati tasdiklandi.   Shuningdek, Toshkent shahar hokimligi turar joy va noturar joy binolari buzilishi hisobiga qabristonlar uchun ajratiladigan yer uchastkalarini Toshkent shahar hokimligi huzuridagi Obodonlashtirish bosh boshqarmasining Fuqarolarga xizmat ko‘rsatish boshqarmasiga (keyingi o‘rinlarda Fuqarolarga xizmat ko‘rsatish boshqarmasi deb ataladi) biriktirib berish choralarini ko‘radi.   Toshkent shahridagi qabristonlarni kengaytirish, Toshkent viloyati xududidan Fuqarolarga xizmat ko‘rsatish boshqarmasiga yer maydonlari ajratilishi munosabati bilan jismoniy va yuridik shaxslarga yetkazilgan zararlar Toshkent shahar hokimligi tomonidan Toshkent shahar mahalliy byudjetining har chorak yakuni bo‘yicha prognozdan ortiqcha tushgan daromad kismi mablag‘lari, zaxira jamg‘armasi mablag‘lari va qonun hujjatlarida taqiqlanmagan boshqa manbalar hisobiga belgilangan tartibda qoplab berilishi belgilab qo‘yildi.   Bundan tashqari, quyidagilar:   Toshkent shahridagi qabristonlarning sanitariya holatini yaxshilash bilan bog‘lik tadbirlarni bajarish – har yili Toshkent shahrining obodonlashtirish sohasi uchun ajratiladigan mablag‘lar, Toshkent shahrini obodonlashtirish va farovonligini oshirish jamg‘armasi mablag‘lari hamda qonun hujjatlarida taqiqlanmagan boshqa manbalar;   Fuqarolarga xizmat ko‘rsatish boshqarmasini maxsus avtotransport va texnika vositalari bilan ta'minlash – Toshkent shahar mahalliy byudjetining qo‘shimcha manbalari;   qabristonlardagi elektr energiyasi, gaz ta'minoti, aloqa tarmog‘i, ichimlik suv va kanalizatsiya tarmoqlarini qurish va ta'mirlapsh ishlari – "O‘zbekenergo” AJ, "O‘ztransgaz” AJ, "O‘zbektelekom” AK va "Suvsoz” DUKning o‘z mablag‘lari hisobiga amalga oshirilishi belgilab qo‘yildi.

1 2 3 4 5 Категория: Har-Hil | Просмотров:1351 | Добавил: Admin | Теги: Toshkentdagi 16 ta qabriston hududi | Рейтинг: 0.0/0

Всего комментариев: 0