Главная » 2022 » Sentyabr » 1 » Toshkentda texnopark hududidagi sexda sodir bo‘lgan yong‘in bartaraf etildi

---

21:27 Toshkentda texnopark hududidagi sexda sodir bo‘lgan yong‘in bartaraf etildi

Toshkent shahri Yakkasaroy texnoparki hududidagi ishlab chiqarish sexida yong‘in sodir bo‘layotgani xabar qilingandi. Favqulodda vaziyatlar vazirligining ma’lum qilishicha, sodir bo‘lgan yong‘in bartaraf etildi. Qayd etilishicha, 1-sentabr kuni soat 16:26 da Qo‘shbegi dahasida joylashgan Yakkasaroy texnoparki hududidagi ishlab chiqarish sexining tom va ichki qismida taxminan 1000 kvadrat metr maydonda yong‘in sodir bo‘lgan. Shunga ko‘ra yong‘in-qutqaruv ekipajlari soat 16:31 da hodisa joyiga yetib borib, yong‘in soat 17:29 da qurshab olingan va soat 18:07 da bartaraf etilgan. Voqea joyiga FVV rahbariyati, Toshkent shahri FVB va tuman FV bo‘limi rahbar xodimlari yetib borgan. Yong‘inni bartaraf etishga 11 ta yong‘in-qutqaruv ekipaji, 2 ta maxsus suv tashishga mo‘ljallangan (vodovoz) avtomobil, 1 ta qutqaruv otryadi ekipaji jalb etilgan. Yong‘in oqibatida fuqarolarning tan jarohati olish va halok bo‘lish holatlari to‘g‘risida xabar kelib tushmagan. Hozirda yong‘inning kelib chiqish sababi va keltirilgan moddiy zarar miqdori aniqlanmoqda.

1 2 3 4 5 Категория: Har-Hil | Просмотров:468 | Добавил: moderator | Теги: yangilik | Рейтинг: 0.0/0

Всего комментариев: 0