Главная » 2020 » Yanvar » 30 » Tojikistondagi eng keksa ayol 126 yoshida vafot etdi

---

18:54 Tojikistondagi eng keksa ayol 126 yoshida vafot etdi

Tojikistonda 127 yoshga to‘lishiga bir yarim oy qolgan Fotima ona Mirzoqulova olamdan o‘tdi, deb xabar beradi "Asia-Plus”. Asht tuman faxriylar kengashi raisi Zafar Mahmajonovning so‘zlariga ko‘ra, Fotima Mirzoqulova so‘nggi yillarda istiqomat qilgan Shaydon tumanidagi Dahana qishlog‘ida joylashgan qabristonga dafn etilgan. U bilan vidolashish uchun tuman faollari va qishloqning deyarli barcha aholisi to‘plangan. "Fotima ona juda muloyim, xushchaqchaq ayol edi. Har yili bir necha bor tuman raisi bilan holidan xabar olgani borardik. Shunisi e’tiborga loyiqki, u hech ham kasal bo‘lmagan”, — deydi Mahmajonov. Jamoat faollaridan biri Xolbibi Markayevaning aytishicha, Mirzoqulova so‘nggi uch asrni ko‘rgan Tojikistondagi yagona inson edi. Fotima onaning qizi 82 yoshli Rohatoy Qobilovaning so‘zlariga ko‘ra, uning onasi juda xushmuomala ayol bo‘lgan va hech qachon bekordan bekorga g‘am chekmagan. "Onam deyarli butun umri davomida ‘kolxoz’da ishladi va boshqalar bilan birga paxta terdi. Doim bizga Sobiq Ittifoq, Ikkinchi jahon urushi va hayotidagi boshqa hodisalar haqida so‘zlab berardi”, — deydi Rohatoy Qobilova.Fotima Mirzoqulova 1893-yilning 13-martida Dahana qishlog‘ida tug‘ilgan. Sakkiz nafar farzandni — besh qiz va uch o‘g‘ilni dunyoga keltirgan. Nevara, evaralari soni 200 dan oshib ketgan.

1 2 3 4 5 Категория: Har-Hil | Просмотров:557 | Добавил: moderator | Теги: yangilik | Рейтинг: 0.0/0

Всего комментариев: 0