Главная » 2018 » May » 2 » Tog‘li tumanlardagi MFY xodimlariga ham ish haqi tayinlanadi

---

13:46 Tog‘li tumanlardagi MFY xodimlariga ham ish haqi tayinlanadi

Bundan buyon 500 nafardan kam aholi, lekin kamida 100 oila yashaydigan borish qiyin bo‘lgan va tog‘li tumanlarda ham tashkil etiladigan mahallalarning fuqarolar yig‘inlari rais (oqsoqol) lariga va kotiblariga ish haqi tayinlanadi. Bu haqda O‘zA xabar berdi.   "Bolali oilalarni ijtimoiy qo‘llab-quvvatlashni kuchaytirish chora-tadbirlari to‘g‘risida”gi 1996 yil 10 dekabrdagi 437-son qarorining 2-bandiga o‘zgartirish kiritish haqidagi Hukumat qarori qabul qilindi.   Ushbu hujjatga ko‘ra, Vazirlar Mahkamasining yuqorida nomi qayd etilgan 1996 yil 10 dekabrdagi qarorining 2-bandi uchinchi xatboshisining ikkinchi jumlasi chiqarib tashlandi. Ya'ni "Bunda shunga amal qilinsinki, ish haqi (maosh) hududlarida kamida 500 oila yashaydigan mahallalarning fuqarolar yig‘inlari (MFY) rais (oqsoqol) lariga va kotiblariga tayinlanadi”, degan qoida o‘z kuchini yo‘qotdi.   Bu bilan 500 nafardan kam aholi, lekin kamida 100 oila yashaydigan borish qiyin bo‘lgan va tog‘li tumanlarda ham tashkil etiladigan mahallalarning fuqarolar yig‘inlari rais (oqsoqol) lariga va kotiblariga ish haqi tayinlashning huquqiy mexanizmi yaratildi.   Mazkur o‘zgarishlar fuqarolarning o‘zini o‘zi boshqarish organlari xodimlarining oilalarni ijtimoiy qo‘llab-quvvatlashni tashkil etish va bunday qo‘llab-quvvatlashga muhtoj oilalarni aniqlash, bolali oilalarga nafaqalar to‘lash uchun mo‘ljallangan mablag‘lardan belgilangan maqsadda va samarali foydalanishga xizmat qiladi.

1 2 3 4 5 Категория: Har-Hil | Просмотров:1017 | Добавил: Moderator | Рейтинг: 0.0/0

Всего комментариев: 0