Главная » 2020 » Fevral » 22 » TIV Xabarovskdagi YTHda jabrlangan o‘zbekistonlikning kasalxonada vafot etganini tasdiqladi

---

13:36 TIV Xabarovskdagi YTHda jabrlangan o‘zbekistonlikning kasalxonada vafot etganini tasdiqladi

Rossiyaning Vladivostok shahrida joylashgan O‘zbekiston Bosh konsulxonasi 2020-yil 30-yanvar kuni Xabarovsk o‘lkasida sodir bo‘lgan yo‘l transport hodisasidan so‘ng Xabarovsk shahri kasalxonasiga joylashtirilgan O‘zbekiston fuqarosi S.F. komadan chiqmay 14-fevral kuni kasalxonada vafot etganini ma’lum qildi. Mazkur vaziyat Bosh konsulxonaning doimiy nazoratida bo‘lgan. Hozirgi vaqtda O‘zbekiston Bandlik va mehnat munosabatlari vazirligi Tashqi mehnat migratsiyasi agentligining Moskva shahridagi vakolatxonasi bilan birgalikda marhumning jasadini O‘zbekistonga yuborish bilan bog‘liq konsullik-huquqiy, tashkiliy va boshqa masalalarni hal qilinmoqda. 2020-yil 30-yanvar kuni Xabarovsk o‘lkasining Lazo tumanida Mazda Demio rusumli avtomobil katta yuk mashinasi bilan to‘qnashgan, oqibatda Mazda ichidagi ayol voqea joyida vafot etgan. 67 yoshli haydovchi va 57 yoshli erkak kasalxonaga olib ketilgandi. "Konsullik-huquqiy departamenti marhumning oila a’zolari va yaqinlariga ta’ziya bildiradi hamda eslatib o‘tadiki, Rossiyaning Uzoq sharqiy federal okrugi hududida joylashgan fuqarolarimiz zarur vaziyatlarda mamlakatimizning Vladivostok shahridagi Bosh konsulxonasiga quyidagi telefon raqamlari orqali murojaat qilishlari mumkin: +7-423-260-48-00, +7-951-018-70-07”, — deyiladi xabarda.

1 2 3 4 5 Категория: Har-Hil | Просмотров:537 | Добавил: moderator | Теги: yangilik | Рейтинг: 0.0/0

Всего комментариев: 0