Главная » 2021 » Dekabr » 8 » Time so‘rovnomasi natijalariga ko‘ra, Braziliya prezidenti yil odami deb topildi

---

14:42 Time so‘rovnomasi natijalariga ko‘ra, Braziliya prezidenti yil odami deb topildi

Braziliya prezidenti Jair Bolsonaru Time jurnali tomonidan o‘quvchilar orasida o‘tkazilgan so‘rovnomada 24 foiz ovoz bilan birinchi o‘rinni egalladi. 2021-yilda dunyoga eng katta ta’sir ko‘rsatgan shaxs yoki odamlar guruhini aniqlash bo‘yicha onlayn ovoz berishda jami 9 milliondan ortiq obunachi ishtirok etgan. "2022-yilda prezidentlikka qayta saylanishni niyat qilgan bahsli rahbarning iqtisodiy chora-tadbirlari norozilikka duchor bo‘lmoqda, shuningdek, u COVID-19 ni u qadar jiddiy qabul qilmagani va vaksinalarga shubha bilan qaragani uchun siyosatchilar, sudlar va sog‘liqni saqlash ekspertlarining keng ko‘lamli tanqidiga uchramoqda”, — deya Bolsonaruga ta’rif bergan Time tahririyati. AQShning sobiq prezidenti Donald Tramp Time onlayn so‘rovida 9 foiz ovoz bilan ikkinchi o‘rinni egalladi. Uchinchi o‘rindan tibbiyot mutaxassislari (6,3 foiz ovoz), to‘rtinchi o‘rindan esa "rossiyalik huquqshunos va korrupsiyaga qarshi kurashuvchi” deb atalgan Aleksey Navalniy (6 foiz) joy olgan. Koronavirusga qarshi vaksinalar ishlab chiquvchi olimlar 5,3 foiz ovoz bilan reytingni yakunlagan. Time onlayn so‘rovnomasi natijalari odatda tahririyat tanlovi bilan bir xil bo‘lmaydi. 2020-yilda Time o‘quvchilari hayotiy muhim ahamiyatga ega xizmatlarni ko‘rsatuvchi xodimlarni eng yuqori baholagan, tahririyat esa o‘sha paytda saylangan AQSh prezidenti Jo Bayden va vitse-prezident Kamala Xarrisni ma’qullagan. Bu yil jurnal tahririyati yil odami bo‘yicha o‘z tanlovini 13-dekabr kuni e’lon qilmoqchi. Avvalroq Forbes dunyoning eng nufuzli ayollari reytingini e’lon qilgandi. 2011-yildan beri ro‘yxatda birinchi bo‘lgan Merkel o‘z o‘rnini Jeff Bezosning sobiq rafiqasi, yozuvchi Makkenzi Skottga bo‘shatib berdi. Merkel Germaniya kansleri lavozimini tark etgach, jurnal uni ro‘yxatdan chiqargan.

1 2 3 4 5 Категория: Har-Hil | Просмотров:391 | Добавил: moderator | Теги: yangilik | Рейтинг: 0.0/0

Всего комментариев: 0