Главная » 2023 » Mart » 11 » Tahlilchilar Rossiyaning Ukraina bilan chegara hududlarida mudofaa chiziqlari qurilishini baholadi

---

21:41 Tahlilchilar Rossiyaning Ukraina bilan chegara hududlarida mudofaa chiziqlari qurilishini baholadi

Amerika Urushni o‘rganish instituti (ISW) tahlilchilari 11-mart kuni nashr etilgan kundalik sharhining bir qismini Rossiyaning qator viloyatlari, shuningdek anneksiya qilingan Qrim hukumati tomonidan qurilishi e’lon qilingan mudofaa chiziqlariga bag‘ishladi.  ISW 9-mart kuni Belgorod viloyati gubernatori Vyacheslav Gladkov Ukraina bilan chegaradosh hududlarda mudofaa inshootlari qurilishi yakunlanganini ma’lum qilganini eslatdi. Gladkovning aytishicha, inshootlar qurilishiga 10 milliard rubl (131,6 mln dollar) sarflangan. ISW tahlilchilariga ko‘ra, bu "ayniqsa, Rossiyaning Ukrainadagi harbiy amaliyotlarini moliyalashtira olish imkoniyati haqidagi savollar fonida pulni behuda sarflashdir”. ISW, shuningdek, harbiylarni hujum ehtimoli juda kichik bo‘lgan mudofaa chizig‘iga yuborish o‘rniga ushbu kuchlarni jangovar zonaga tashlash oqilonaroq bo‘lishini ta’kidladi. Mudofaa liniyalari boshqa hudularda ham, jumladan, ISW ma’lumotlariga ko‘ra, "katta ehtimol bilan hech qanday harbiy harakatlar bo‘lmaydigan” Kursk viloyatida qurilmoqda. Anneksiya qilingan Qrimda qurilshi aytilgan istehkomlar esa "front chizig‘idan ancha uzoqda”. ISW tahlilchilariga ko‘ra, Rossiya hukumati yanada dolzarbroq jangovar vazifalarni hal qilish uchun sarflashi mumkin bo‘lgan kuch va mablag‘larni mudofaa chiziqlarini qurishga yo‘naltirayotgani ularning Ukraina janubidagi bosib olingan hududlarni ushlab turish qobiliyatiga ishonchi komil emasligini ko‘rsatadi. Bundan tashqari, mudofaa inshootlari qurilishi axborot kampaniyasi kontekstida ham ko‘rib chiqilayotgan bo‘lishi mumkin — kampaniya maqsadi Rossiya xalqini Ukraina o‘z mamlakatiga tahdid solayotganiga ishontirishdir.

1 2 3 4 5 Категория: Har-Hil | Просмотров:69 | Добавил: moderator | Теги: yangilik | Рейтинг: 0.0/0

Всего комментариев: 0