Главная » 2020 » Iyun » 29 » Surxondaryoda yuz bergan YTH oqibatida ikki kishi vafot etdi

---

21:27 Surxondaryoda yuz bergan YTH oqibatida ikki kishi vafot etdi

Surxondaryo viloyati Qumqo‘rg‘on tumanida Matiz va "VAZ-2101” avtomashinalari o‘rtasida yuz bergan YTH oqibatida ikki kishi, jumladan, haydovchilardan birining voyaga yetmagan farzandi vafot etdi. Bu haqda viloyat IIB Axborot xizmati xabar berdi. Qayd etilishicha, 2020-yilning 27-iyun, shanba kuni, taxminan, soat 18:30 larda tumanning "Achamoyli” mahallasi hududidan o‘tuvchi 4R-101 avtomobil yo‘lining 16-kilometrida Termiz shahri "Do‘stlik” mahallasida yashovchi B.Sh. boshqaruvidagi Matiz rusumli avtoulov qarama-qarshi yo‘nalishga chiqib ketgan. Oqibatda shu yo‘nalishda harakatlanib kelayotgan Qumqo‘rg‘on tumani "Arslonboyli” mahallasida yashovchi J.F. boshqaruvidagi "VAZ-2101” rusumli avtoulov bilan to‘qnashgan. Sodir bo‘lgan YTH natijasida Matiz rusumli avtomobil yo‘lovchilari — Termiz shahrida yashagan J.M. va haydovchi B.Sh.ning qaramog‘idagi farzandi voyaga yetmagan N.N. hayot uchun xavfli tan jarohati olib, shifoxonada vafot etgan. Holat yuzasidan 27-iyun kuni Jinoyat kodeksining 266-moddasi 3-qismi "a” bandi (Odamlar o‘limiga sabab bo‘lgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan. Eslatib o‘tamiz, 28-iyun kuni Toshkent shahrida yuz bergan YTH oqibatida mototsikl haydovchisi halok bo‘lgan edi. Bundan avval 27-iyun kuni Qamchiq dovonida Isuzu va Howo yuk mashinalari ishtirokida ham YTH sodir bo‘ldi. Shuningdek, 25-iyun kuni Toshkentda Spark urib yuborishi natijasida 73 yoshli erkak shifoxonada vafot etdi.

1 2 3 4 5 Категория: Har-Hil | Просмотров:451 | Добавил: moderator | Теги: yangilik | Рейтинг: 0.0/0

Всего комментариев: 0