Главная » 2022 » Yanvar » 28 » Surxondaryoda sodir bo‘lgan ommaviy mushtlashuv to‘g‘risida ma’lumot berildi

---

15:04 Surxondaryoda sodir bo‘lgan ommaviy mushtlashuv to‘g‘risida ma’lumot berildi

Ijtimoiy tarmoqlarda Surxondaryo viloyatining Denov tumanida ommaviy mushtlashuv sodir bo‘lgani tasvirlangan video tarqaldi. Viloyat IIB mazkur holat yuzasidan ma’lumot berib, janjal nima sababdan yuzaga kelganiga oydinlik kiritdi. Ma’lum qilinishicha, 2021-yilning 19-dekabr kuni soat 15:00 larda Denov tumani "Ushor” mahallasida yashovchi fuqaro N.N. qo‘shnisi O.A. bilan o‘zaro tortishib qolib, bir-birlarini haqoratlagan va tan jarohati yetkazgan. Janjal qarindosh bo‘lgan fuqarolar o‘rtasida oldindan davom etib kelayotgan yer masalasidagi kelishmovchilik sabab yuzaga kelgan va unga T.X., N.A., R.A. hamda O.L. ismli shaxslar aralashgan. Holat yuzasidan Denov tumani IIB tomonidan tergovga qadar tekshiruv olib borilib, 2022-yil 11-yanvar kuni huquqbuzarlarga tegishli chora ko‘rish uchun ma’muriy tartibda Denov tuman sudiga yuborilgan. Avvalroq Toshkentda maktab o‘quvchilari o‘rtasida ommaviy mushtlashuv sodir bo‘lgani haqidagi xabarga izoh berilgani, Chilonzordagi kafeda janjal ko‘tarib, ichki ishlar xodimiga qo‘l ko‘targan shaxslar hibsga olingani, Nukusda bo‘lib o‘tgan festivaldan so‘ng janjal sodir bo‘lgani to‘g‘risida xabar berilgandi.

1 2 3 4 5 Категория: Har-Hil | Просмотров:425 | Добавил: moderator | Теги: yangilik | Рейтинг: 0.0/0

Всего комментариев: 0