Главная » 2018 » May » 30 » Surxondaryoda poyezdlardan qurol va portlovchi modda topildi

---

15:51 Surxondaryoda poyezdlardan qurol va portlovchi modda topildi

Surxondaryoda bojxona chegaralari orqali miltiq, o‘qlar va poroxning olib o‘tilishi oldi olindi. Bu haqda viloyat bojxona boshqarmasi axborot xizmati xabar berdi.   Ma'lumotga ko‘ra, "Boldir” temir yo‘l chegara bojxona postida O‘zbekiston Respublikasidan tranzit tarzida o‘tayotgan "Moskva-Dushanbe” yo‘lovchi poyezdi bojxona ko‘rigidan o‘tkazilganda, yo‘lovchilardan biri qo‘shni davlat fuqarosi O.B. o‘tirgan o‘rindig‘i ostida 1 dona TIR miltig‘i va unga tegishli 1100 dona o‘qlarni bojxona yashirincha olib o‘tishga uringani aniqlangan.   "Sariosiyo” temir yo‘l chegara bojxona postida esa huquqni muhofaza qiluvchi boshqa idoralar vakillari bilan hamkorlikda qo‘shni davlatdan Gruziyaga yo‘l olgan yuk poyezdi ko‘zdan kechirilganida, vagonning pastki qismidagi bo‘shliqlariga yelim paketchalarda 35,21 gr. porox portlovchi moddasi yashirilganligi aniqlandi.   Hozirda mazkur holatlar yuzasidan bojxona tekshiruvlari davom ettirilmoqda.

1 2 3 4 5 Категория: Har-Hil | Просмотров:1259 | Добавил: Moderator | Рейтинг: 0.0/0

Всего комментариев: 0