Главная » 2023 » Fevral » 7 » Suriyadagi zilziladan keyin ISHID jangarilari qamoqdan qochib ketdi

---

23:06 Suriyadagi zilziladan keyin ISHID jangarilari qamoqdan qochib ketdi

Suriya shimoli-g‘arbidagi kuchli zilziladan so‘ng ISHID terrorchilik guruhiga mansublikda gumon qilingan kamida 20 nafar mahbus qamoqdan qochib ketdi. Bu haqda Al Arabia xabar berdi. "Qamoqdan 20 ga yaqin mahbus qochib ketdi, ular ISHID jangarilaridir”, — deydi manba. Turkiya bilan chegaradagi Raju shahri yaqinidagi qamoqxonada 2 000 ga yaqin odam jazoni o‘tamoqda, ulardan 1 300 nafari terrorchilar bo‘lishi mumkin. Yer silkinishi oqibatida bino vayron bo‘lgan, shundan so‘ng mahbuslar isyon ko‘targan. Ular qamoqxonaning bir qismini egallashga muvaffaq bo'lgan. Suriya Inson huquqlari monitoringi markazi mahbuslarning qochib ketganini tasdiqlay olmasligini aytmoqda, ammo qamoqda isyon ko‘tarilganini tasdiqladi. Turkiyada so‘nggi 80 yil ichida mamlakat uchun eng katta vayronagarchilikka aylangan zilzila 6-fevralga o‘tar kechasi sodir bo‘ldi. Zilzila epimarkazi Gaziantep shahridan 26 km uzoqlikda joylashgan. Zilzila va yer silkinishlari Yaqin Sharq, Yevropa va Markaziy Osiyoning bir qator mamlakatlarida sezildi. Turkiya prezidenti Rajab Toyyib Erdo‘g‘on bu zilzilani 1939-yildan beri mamlakat uchun eng kuchli tabiiy ofat deb atadi. Turkiyada qurbonlar soni 3000 ga yaqinlashdi, yana 15 834 kishi jarohatlandi. Suriyada, soʻnggi maʼlumotlarga koʻra, zilzila qurbonlari soni 700 dan oshdi, 1400 dan ortiq kishi jarohat oldi.

1 2 3 4 5 Категория: Har-Hil | Просмотров:87 | Добавил: moderator | Теги: yangilik | Рейтинг: 0.0/0

Всего комментариев: 0