Suddan Atambayevni 15 yilga qamash so‘raldi - 16 Июня 2020 - www.Nozim-Studio.com

Главная » 2020 » Iyun » 16 » Suddan Atambayevni 15 yilga qamash so‘raldi

18:44 Suddan Atambayevni 15 yilga qamash so‘raldi
Suddan jinoiy avtoritet Aziz Batukayevni noqonuniy ozod qilish aybi qo‘yilgan Qirg‘iziston sobiq Prezidenti Almazbek Atambayevni barcha mol-mulkini musodara qilish bilan bilan birga uni 15 yil ozodlikdan mahrum qilishni so‘raldi. Bu haqda Atambayevning advokati Zamir Jooshev ma’lum qildi. "Ular Almazbek Sharshenovichdan barcha mol-mulkini musodara qilib, 15 yilga ozodlikdan mahrum qilishni so‘rashdi", dedi advokat. Uning so‘zlariga ko‘ra, Atambayev korrupsiyani tashkillashtirishda ayblanmoqda. "Shu bilan birga, sudga sobiq Prezidentning aybdorligi to‘g‘risida biron bir jiddiy dalil taqdim etilmagan", deya qo‘shib qo‘ydi Jooshev. Sudda Atambayevga qo‘yilgan ayblovlardan biri – Batukayevning noqonuniy ravishda ozod qilinishi to‘g‘risidagi jinoiy ish 2019 yilning noyabr oyidan ko‘rish boshlandi. Jarayon yopiq bo‘lmoqda. Sobiq Prezident bu jarayonda ishtirok etishdan bosh tortdi, sudyaning qarori bilan u jarayon oxiriga qadar sud zalidan chiqarib yuborildi. 2006 yilda Batukayev Bishkek atrofidagi koloniyada tartibsizliklarni uyushtirganligi uchun 16 yilu 8 oy qamoq jazosiga hukm qilingan. Tartibsizlik paytida deputat Tinichbek Akmatbayev, Hukmlarni ijro etish Bosh boshqarmasi boshlig‘i Ikmatulla Polotov va ikki deputat o‘ldirilgan. 2013 yilda Batukayev oxirgi bosqichdagi qon saratoni tashxisini qo‘ygan tibbiy komissiya xulosasi bilan qamoqdan ozod qilindi. Bir necha soatdan keyin u yangi pasport oldi va mamlakatni tark etdi. Tergov ma’lumotlariga ko‘ra, uning ozod qilinishida yuqori lavozimli amaldorlar, shu jumladan, sobiq Prezident Atambayev ham ishtirok etgan bo‘lishi mumkin. Qirg‘izistondagi eng yirik parlamentdagi sotsial-demokratlar partiyasining rahbari Atambayev hokimiyatni 2017 yildagi Prezident saylovi yakunlariga ko‘ra eng yaqin ittifoqchisi Sooronbay Jeenbekovga topshirdi. Ammo ko‘p o‘tmay, sobiq davlat rahbari jamoasi a’zolariga qarshi jinoiy ish qo‘zg‘atildi. Atambayev sobiq Prezident maqomidan mahrum qilindi hamda og‘ir va o‘ta og‘ir jinoyatlarda ayblandi.
1 2 3 4 5 Категория: Har-Hil \| Просмотров:476 \| Добавил: moderator \| Теги: yangilik \| Рейтинг: 0.0/0