Главная » 2023 » May » 30 » SIPRI: Ukrainadagi urush tinchlikparvarlik missiyalar ishiga xalaqit bermoqda

---

23:05 SIPRI: Ukrainadagi urush tinchlikparvarlik missiyalar ishiga xalaqit bermoqda

Ukrainadagi urush bilan bog‘liq Rossiya va G‘arb o‘rtasidagi keskinlik xalqaro tinchlikparvar missiyalarga ta’sir ko‘rsatdi. Bu haqda 29-may kuni e’lon qilingan Stokgolm xalqaro tinchlik tadqiqot instituti (SIPRI) hisobotida aytiladi. SIPRI tadqiqotchisi Klaudiya Pfayfer Kruzning aytishicha, Yevropada xavfsizlik va hamkorlik tashkilotining (YXHT) Ukrainadagi kuzatuvchilari missiyasi tugatilishi keskinlik kuchayishining "eng yaqqol va bevosita natijasi” bo‘ldi. Ukrainadagi xavfsizlik bilan bog‘liq vaziyatni kuzatish uchun 2014-yilda tashkil etilgan missiya, u tugatilgan vaqtda "dunyodagi eng yirik qurolsiz fuqarolik missiyasi” edi, deydi Kruz. Rossiya 2022-yilda uning ishini uzaytirishga veto qo‘ydi. YXHTning Ukrainadagi missiyasi o‘tgan yili yangilanmagan yagona missiya bo‘lsa-da, geosiyosiy taranglik boshqa joylarga, xususan, BMT Xavfsizlik kengashiga ham o‘z ta’sirini ko‘rsatdi. SIPRI hisobotida aytilishicha, Ukrainadagi urush tufayli u yerdagi muzokaralar "o‘ta murakkablashdi”. Xitoy va Rossiya Xavfsizlik kengashidagi veto huquqidan foydalanmagan bo‘lsa-da, Markaziy Afrika Respublikasidagi Minusca, Malidagi Minusma tinchlikparvar missiyalari kabi bir qancha mandatlar bo‘yicha ovoz berishda betaraf qoldi. Bahs mavzusi Rossiya hukumatiga yaqin "Vagner” xususiy harbiy kompaniyasining Afrikadagi faoliyati bo‘lgan. Inson huquqlarini buzganlikda ayblangan rossiyalik askarlar 2022-yilda Afrikaning yuqorida qayd etilgan davlatlarida bo‘lgan. Ushbu davlatlarda tinchlikparvar missiyalarni uzaytirish bo‘yicha muzokaralar chog‘ida Rossiya BMT Xavfsizlik kengashida "Vagner” faoliyatini qoralashga qarshi chiqdi.

1 2 3 4 5 Категория: Har-Hil | Просмотров:269 | Добавил: moderator | Теги: yangilik | Рейтинг: 0.0/0

Всего комментариев: 0