Главная » 2019 » Yanvar » 2 » Si Szinpin Tayvan mustaqilligini halokatga tenglashtirdi

---

18:44 Si Szinpin Tayvan mustaqilligini halokatga tenglashtirdi

"Tayvan mustaqilligi” g‘oyasi tarixiy jarayonlarga zid va oxir-oqibat boshi berk ko‘chaga olib boradi. Bu haqda bugun, 2 yanvar kuni Xitoy Xalq Respublikasi raisi Si Szinpin "Tayvanlik vatandoshlarga murojaat”ning 40 yilligiga bag‘ishlangan yig‘ilishda ma'lum qildi.   "Si Szinpinning so‘zlariga ko‘ra, "xitoyliklar xitoyliklar bilan urushmaydi”, "Xitoyning tinch birlashishi esa ham qit'a qismidagi Xitoy xalqi, ham Tayvan bo‘g‘ozining narigi betidagi vatandoshlar manfaatiga xizmat qiladi”.   "Biz Xitoyning tinch birlashishi uchun keng maydon yaratishga tayyormiz va hech qanday ayirmachilik faoliyatiga yo‘l qo‘ymaymiz”, deb ta'kidlab o‘tdi XXR rahbari.   Shuningdek, XXR raisining ta'kidlashicha, "Xitoyning birlashishi hech bir mamlakatning qonuniy qarashlariga zarar keltirmaydi, shu jumladan, Tayvanning iqtisodiy qarashlariga ham”. Aksincha, birlashish Osiyo-Tinch okeani mintaqasida tinchlik va barqarorlik o‘rnatishga turtki beradi.   "Biz hamon bir oilamiz. Tayvan bo‘g‘ozini kesib o‘tish ichki ishimiz bo‘lib, tabiiyki, o‘zaro muzokara va maslahatlashuvlar orqali hal etilishi kerak”, degan XXR raisi.   Tayvan 1949 yilda Gomindan qo‘shinlari Chan Kayshi boshchiligida kommunistlarga mag‘lub bo‘lganidan beri o‘z ma'muriyati tomonidan boshqarib kelinadi.   O‘shandan beri Xitoyning eng katta oroli avvalgi Xitoy respublikasining bayrog‘i, pul birligi va boshqa ba'zi belgilarini saqlagan holda o‘z ma'muriyati tomonidan boshqariladi. Rasmiy Pekin esa Tayvanni Xitoy viloyatlaridan biri deb hisoblaydi.

1 2 3 4 5 Категория: Har-Hil | Просмотров:977 | Добавил: Admin | Теги: Si Szinpin Tayvan mustaqilligini ha | Рейтинг: 0.0/0

Всего комментариев: 0