Главная » 2016 » Sentyabr » 20 » Shimoliy Koreya yangi raketa dvigatelini sinovdan o‘tkazdi

---

14:06 Shimoliy Koreya yangi raketa dvigatelini sinovdan o‘tkazdi

Shimoliy Koreya rahbari Kim Chen In Pxyonan-Pukto provinsiyasining Soxe sinov poligoniga tashrif buyurgan va geostatsionar yo‘ldoshni uchirishga mo‘ljallangan yangi turdagi raketa dvigateli sinoviga shaxsan boshchilik qilgan. Koreya Xalq Demokratik Respublikasi yangi raketa dvigatelining omadli sinovi haqida xabar berdi. Shimoliy Koreya rahbari Kim Chen In Pxyonan-Pukto provinsiyasining Soxe sinov poligoniga tashrif buyurgan va geostatsionar yo‘ldoshni uchirishga mo‘ljallangan yangi turdagi raketa dvigateli sinoviga shaxsan boshchilik qilgan. Bu haqda TASS xabar bermoqda.   Kim Chen In sinovdan avval mamlakatdagi og‘ir iqtisodiy vaziyatga qaramay, mazkur turdagi dvigatelni yarata olgan olimlar va texnologlarni bir joyga to‘plab, ularni olqishladi. KXDR rahbari shuningdek, ularni Yer atrofi bo‘shlig‘ini o‘rganishga qaratilgan harakatni yanada faollashtirishga chaqirib, "kosmik tadqiqotlar mamlakatning asosiy kuch-quvvat, qudratini namoyon etuvchi omildir”, deya qo‘shimcha qildi. Ma'lumot uchun, Shimoliy Koreyada Yer atrofini o‘rganish maqsadida 5 yillik kosmik dastur ishlab chiqilgan.   Koreya markaziy telegraf agentligining xabar qilishicha, dvigatelni sinovdan o‘tkazish uchun 200 soniya kifoya qilgan va uning barcha texnik tizimlari barqaror ishlagan.

1 2 3 4 5 Категория: Har-Hil | Просмотров:1434 | Добавил: Admin | Теги: Shimoliy Koreya yangi raketa dvigat | Рейтинг: 0.0/0

Всего комментариев: 0