Главная » 2017 » Mart » 25 » Sherali Jo‘rayev yangi konsert dasturini taqdim etadi

---

09:21 Sherali Jo‘rayev yangi konsert dasturini taqdim etadi

Avvalroq, O‘zbekiston xalq artisti Sherali Jo‘rayev uzoq yillik tanaffusdan so‘ng radio va TV efirlariga qaytgani, "Parijon” nomli qo‘shiqqa ishlangan klipi ham omma e'tiboriga namoyish etilgani, shuningdek, uning 70 yoshga to‘lishi munosabati bilan Toshkentdagi mehmonxonalardan birida ijodiy kechasi va konsert dasturini tashkil etgani haqida xabar bergandik.   Endilikda, Sherali Jo‘rayev uni sog‘ingan muxlislar uchun konsert dasturini taqdim etishi ma'lum bo‘ldi. Bu haqda shoir Muhammad Ismoil o‘zining "Facebook”dagi sahifasi orqali xabar berdi.   "O‘zbekiston xalq artisti, Alisher Navoiy nomidagi Davlat mukofoti sovrindori, bugungi kun qo‘shiqchiligi qiroli Sherali Jo‘rayev konsert dasturi taqdim etish uchun qizg‘in tayyorgarlik ko‘rmoqda.   Buyuk hofiz "Birinchi muhabbatim”, "Turnalar”, "Yigitlar”, "Hurlar bormish jahonda”, "Kelsa gar Navro‘zi olam”, "Oshiqlaring sardori menman” singari yuraklarimizga bir umr muhrlanib qolgan shohona taronalardan ham jozibaliroq, yoqimliroq, sevimliroq qo‘shiqlarni bizga armug‘on etishiga ishonamiz. Ko‘ngillar yaxshi qo‘shiqqa muhtoj bo‘ldi.   Ancha yillardan buyon ko‘ngillar yaxshi qo‘shiqni sog‘indi. Dilni o‘rtaydigan, qalbga olam-olam huzur bag‘ishlaydigan, yuraklarni junbushga keltiruvchi qo‘shiqlarni sog‘indi odam. Sherali aka! Biz sizga ishonamiz, biz sizdan yaxshi-yaxshi qo‘shiqlar kutib qolamiz!   Barcha feysbukdosh do‘stlar sizga Xudodan kuch-qudrat so‘raymiz, ilhom so‘raymiz, g‘ayrat va shijoat so‘raymiz! Ilohim, o‘zbek qo‘shiqchilik san'atini yanada yuksakka ko‘taravering, millatimiz san'ati dong‘ini yetti iqlimga taratavering!”, deyiladi postda.   Aytish lozimki, konsert dasturi aynan qachon berilishi hozircha ma'lum emas.

1 2 3 4 5 Категория: Har-Hil | Просмотров:2814 | Добавил: Admin | Теги: Sherali Jo‘rayev yangi konsert dast | Рейтинг: 5.0/1

Всего комментариев: 0