Главная » 2016 » Dekabr » 14 » Shavkat Mirziyoyev Pyotr Poroshenko bilan telefon orqali suhbatlashdi

---

08:30 Shavkat Mirziyoyev Pyotr Poroshenko bilan telefon orqali suhbatlashdi

Avvalroq, 4 dekabr kuni o‘tkazilgan O‘zbekiston Respublikasi Prezidenti saylovida g‘olib bo‘lgan Tadbirkorlar va ishbilarmonlar harakati – O‘zbekiston Liberal-demokratik partiyasidan nomzod Shavkat Miromonovich Mirziyoyevni qutlab Ukraina Respublikasi Prezidenti Pyotr Poroshenko tabrik maktubini yo‘llagani, o‘zaro hamkorlikni rivojlantirish tarafdori ekani haqida xabar bergan edik. Pyotr Poroshenko o‘z maktubi so‘nggida Shavkat Mirziyoyevni Ukrainaga taklif etgan edi.   Kecha, 13 dekabr kuni Ukraina tomonining tashabbusi bilan ikki davlat rahbarlarining telefon orqali muloqoti bo‘lib o‘tdi.   Ukraina Prezidenti Shavkat Mirziyoyevni O‘zbekiston Respublikasi Prezidenti saylovida ishonchli g‘alaba qozongani bilan samimiy tabrikladi.  Prezidentlar turli sohalarda O‘zbekiston bilan Ukraina munosabatlarining bugungi holati va uni yanada rivojlantirish istiqbollarini muhokama etib, tomonlarni qiziqtirgan mintaqaviy va xalqaro dolzarb masalalar yuzasidan fikr almashdilar.  Davlat rahbarlari O‘zbekiston va Ukraina o‘rtasidagi o‘zaro manfaatli munosabatlarni, avvalo, savdo-iqtisodiy sohadagi aloqalarni kengaytirish yo‘lida birgalikda harakat qilishga, bunda ikki davlatning mavjud imkoniyatlarini to‘la ishga solishga kelishib oldilar. Pyotr Poroshenko Shavkat Mirziyoyevni o‘ziga qulay vaqtda Ukrainaga tashrif bilan kelishni taklif etdi.

1 2 3 4 5 Категория: Har-Hil | Просмотров:1695 | Добавил: Admin | Теги: Шавкат Мирзиёев Пётр Порошенко била | Рейтинг: 0.0/0

Всего комментариев: 0