Главная » 2016 » Dekabr » 8 » Shavkat Mirziyoyev deputatlar va senatorlar gardaniga yangi vazifa yukladi

---

15:09 Shavkat Mirziyoyev deputatlar va senatorlar gardaniga yangi vazifa yukladi

ShaBugun 8 dekabr, O‘zbekiston Respublikasi Konstitutsiyasi qabul qilinganiga 24 yil to‘ldi. Shu munosabat bilan bo‘lib o‘tgan tadbirdaO‘zbekiston Respublikasi Prezidenti Shavkat Mirziyoyev kirib kelayotgan  2017 yilni "Xalq bilan muloqot va inson manfaatlari yili” deb e'lon qildi.   Marosimda so‘zlagan nutqida davlatimiz rahbari qator muammolar, ularning yechimini topish, qator qonunlarga o‘zgartish qa qo‘shimchalar kiritish borasida gapirdi. Yurtimizdagi chekka viloyatlardagi muammolarni bartaraf etish, insonlar dardini tinglash va ularga yordam berish tizimi yaxshi yo‘lga qo‘yilmaganini ta'kidladi. Shu so‘zlarni aytar ekan, mamlakat rahbari O‘zbekiston Respublikasi Oliy Majlisi Senatiga qator vaziflarni yukladi.   "Har qaysi viloyatdan, masalan, Surxondaryodan saylangan Oliy Majlis deputatlari va senatorlar har oyda 10-12 kun davomida bir tumanda, aytaylik, Muzrabot tumanida bo‘lib, o‘zlari saylangan hududdagi ijroiya hokimiyat organi, prokuratura va ichki ishlar bo‘limining faoliyatini o‘rganib, tahlil qilishi va tegishli xulosa berishi maqsadga muvofiq bo‘lur edi.    Ma'lumki, hozirgi kunda Oliy Majlisimiz Senati tomonidan har yili Bosh prokuraturaning hisoboti eshitiladi. Bu albatta muhim, lekin joylardagi, masalan, uzoq Olot tumanida mahalliy hokimliklar, prokuratura va ichki ishlar bo‘limlarining hisobotini kim eshitadi?  Shu nuqtai nazardan qaraganda, Birinchi Prezidentimiz joriy etgan tizim asosida hurmatli Qonunchilik palatasi Spikeri va Senat raisi joylarga chiqqanlarida mahalliy hokimliklar, prokuratura va ichki ishlar organlari rahbarlaridan ular o‘z zimmasidagi vazifalarni qay darajada ijro etayotganiga, aholini o‘ylantirayotgan muammolarni, ularning murojaatlarini qanday hal qilayotganiga alohida e'tibor qaratishlari lozim.  Bu boradagi ishlarni tashkil etishda parlament so‘rovi, tegishli davlat idoralari rahbarlari axborotlarini eshitish kabi vakolatlardan keng foydalanish kerak.  O‘tkazilgan barcha o‘rganishlar natijalarini umumlashtirib, har yili bir marta ichki ishlar vazirining eng avvalo profilaktika sohasidagi faoliyati yuzasidan hisobotini Senatda eshitish amaliyotini joriy etish ham to‘g‘ri bo‘ladi, deb o‘ylayman.  Shu maqsadda Oliy Majlis 2017 yildan boshlab har qaysi viloyat bo‘yicha bir yilga mo‘ljallangan ish rejasini belgilab olishi o‘rinli bo‘lardi”, deydi mamlakai rahbari.

1 2 3 4 5 Категория: Har-Hil | Просмотров:1836 | Добавил: Admin | Теги: Шавкат Мирзиёев депутатлар ва сенат | Рейтинг: 0.0/0

Всего комментариев: 0