Главная » 2018 » May » 19 » Shavkat Mirziyoyev Andijondagi yangi korxonani ochib berdi

---

14:19 Shavkat Mirziyoyev Andijondagi yangi korxonani ochib berdi

O‘zbekiston Respublikasi Prezidenti Shavkat Mirziyoyev bugun, 19 may kuni Andijon viloyatiga amalga oshirgan tashrifi davomida Andijon tumanida "Andijan Silk.Co” qo‘shma korxonasi ochilish marosimida ishtirok etdi.   Shavkat Mirziyoyev ushbu korxonaga tashrifi chog‘ida ramziy tugmani bosib, uning faoliyatiga start berdi. Bu yerda amalga oshirilgan ishlar bilan tanishdi.   Mas'uliyati cheklangan jamiyat shaklidagi ushbu O‘zbekiston – Xitoy qo‘shma korxonasida pilla qayta ishlanib, tayyor mahsulotlar ishlab chiqarish yo‘lga qo‘yildi. Davlat rahbarining 2017 yil 29 martdagi qaroriga muvofiq "O‘zbekipaksanoat” uyushmasi tashkil etilgan edi. Uyushma tomonidan bugungi kunda tarmoqni jadal rivojlantirish, sohaga innovatsion texnologiyalarni joriy etish, ipak qurtini yangicha usulda parvarishlash, ilg‘or davlatlar tajribasini o‘rganish orqali pilla sifati va miqdorini oshirish bo‘yicha qator ishlar olib borilmoqda.   "Andijan Silk.Co” qo‘shma korxonasiga 2 million 100 ming dollar evaziga Xitoyda ishlab chiqarilgan ip yigiruv va tikuv mashinalari keltirib o‘rnatildi. Natijada 150 kishi doimiy ish o‘rniga ega bo‘ldi. Joriy yil oxirigacha ishchilar sonini 300 taga yetkazish ko‘zda tutilmoqda.

1 2 3 4 5 Категория: Har-Hil | Просмотров:1108 | Добавил: Moderator | Рейтинг: 0.0/0

Всего комментариев: 0