Главная » 2020 » Fevral » 17 » Shavkat Mirziyoyev 19—20-fevral kunlari Turkiyaga tashrif buyuradi

---

18:03 Shavkat Mirziyoyev 19—20-fevral kunlari Turkiyaga tashrif buyuradi

O‘zbekiston Prezidenti Shavkat Mirziyoyev 19—20-fevral kunlari Turkiyaga tashrif buyuradi. Bu haqda Prezident matbuot xizmati xabar berdi. Shavkat Mirziyoyev Anqarada oliy darajadagi muzokaralar hamda O‘zbekiston va Turkiya Prezidentlari hamraisligida ikki tomonlama Strategik hamkorlik kengashining birinchi yig‘ilishida ishtirok etadi. Strategik hamkorlik kengashining birinchi yig‘ilishi doirasida siyosiy, savdo-iqtisodiy, investitsiyaviy, moliyaviy, transport-kommunikatsiya, ta’lim, madaniy-gumanitar va boshqa yo‘nalishlarda hamkorlik holati va istiqbollari ko‘rib chiqiladi. Shuningdek, mintaqaviy va xalqaro ahamiyatga molik masalalar bo‘yicha fikr almashiladi. Bundan tashqari, Shavkat Mirziyoyevning Turkiya yetakchi kompaniyalari rahbarlari bilan uchrashuvi, Turkiya Respublikasi prezidenti kutubxonasi majmuasining tantanali ochilish marosimida ishtiroki rejalashtirilgan. Shavkat Mirziyoyev Turkiya rahbari Rajab Toyyib Erdo‘g‘onning taklifiga binoan, 2017-yil 25-oktabr kuni davlat tashrifi bilan Turkiyaga tashrif buyurgandi. Turkiya prezidenti Rajab Toyyib Erdo‘g‘on esa 2018-yil 29-aprel kuni davlat tashrifi bilan O‘zbekistonga kelgandi.

1 2 3 4 5 Категория: Har-Hil | Просмотров:520 | Добавил: moderator | Теги: yangilik | Рейтинг: 0.0/0

Всего комментариев: 0